കോഴിക്കോട്: കഴിഞ്ഞ പത്തുവർഷത്തോളം വരുന്ന കാലയളവിൽ സംസ്ഥാനത്തെ സർക്കാർ നിയമനങ്ങളിൽ ഈഴവരുടെ പകുതി മാത്രമാണ് മുസ് ലിംകളുള്ളതെന്ന് പി.എസ്.സി പ്രസിദ്ധീകരിച്ച കണക്കുകൾ വ്യക്തമാക്കുന്നു. 2015-16 മുതൽ 2023-24വരെ പി.എസ്.സി.നടത്തിയ 2,67,883 നിയമനങ്ങളിൽ 60,022 ഉും ലഭിച്ചത് ഈഴവർക്കാണ്. ഇക്കാലയളവിൽ മുസ് ലിംകൾക്ക് ലഭിച്ച നിയമനങ്ങൾ 33,150 ആണ്. 
സംസ്ഥാനത്തെ ജനസംഖ്യയിൽ ഈഴവർ 23 ശതമാനമാണെങ്കിൽ മുസ് ലിംകൾ 26 ശതമാനമാണ്. മുസ് ലിംകൾ എല്ലാം നേടുന്നുവെന്ന പ്രചാരണം അടിസ്ഥാനരഹിതമാണെന്ന് ഈ കണക്കുകൾ വ്യക്തമാക്കുന്നുണ്ട്. 

2015-16ലെ  26,234 നിയമനങ്ങളിൽ 6,641എണ്ണം  ഈഴവർക്ക് കിട്ടിയപ്പോൾ  മുസ് ലിംകൾക്ക് ലഭിച്ചത് 3,254 ആണ്. ഈഴവർ പൊതുമെറിറ്റിൽ 3190 തസ്തിക നേടിയപ്പോൾ മുസ് ലിംകൾ വന്നത് 2837ലാണ്. ഈഴവ സംവരണം 13.15 ശതമാനത്തിലെത്തി. മുസ് ലിം സംവരണമാകട്ടെ 10.81ലും. താരതമ്യേന ഉയർന്ന തസ്തികകളുള്ള സ്‌റ്റേറ്റ് സർവിസിൽ പൊതുമെറിറ്റിലെ 75 അടക്കം 311 തസ്തികകളിലെത്തിയത് ഈഴവരാണ്. മുസ് ലിംകൾക്ക് മെറിറ്റിലെ 33ഉം സംവരണത്തിലെ 139ഉം ഉൾപ്പെടെ  ആകെ 172 തസ്തികകളിലാണ് ഇക്കാലയളവിൽ  നിയമനം  ലഭിച്ചത്. 2016-17ൽ ആകെ 38,166 നിയമന ശുപാർശകൾ നൽകിയപ്പോൾ ഈഴവർക്ക് 8,230ഉം മുസ് ലിം കൾക്ക് 4,124 നിയമനങ്ങളും ലഭിച്ചു. എസ്.സി - 2831, എസ്.ടി 928, ലാറ്റിൻ 1423, മറ്റു പിന്നോക്ക ഹിന്ദു 2067, വിശ്വകർമ 1170, ധീവര 542, ക്രിസ്ത്യൻ നാടാർ 506, പരിവർത്തിത ക്രൈസ്തവർ 341, ഹിന്ദു നാടാർ 407 എന്നിങ്ങനെയും നിയമിതരായി. 

ഇതിൽ ഈഴവരുടെ നിയമനങ്ങളിൽ 4,307ഉം പൊതുമെറിറ്റിലാണ്. സംവരണം വഴി ലഭിച്ചത് 3,923 ഉം. മുസ് ലിംകളിലാവട്ടെ 628 നിയമനങ്ങൾ മാത്രമാണ് പൊതു മെറിറ്റിൽ ലഭിച്ചത്. 3,496ഉം സംവരണാനുകൂല്യത്തിലാണ്. സ്‌റ്റേറ്റ് സർവിസിൽ പൊതുമെറിറ്റിലെ 109 അടക്കം 423 തസ്തികകളിൽ മുസ് ലിംകൾ വന്നപ്പോൾ 27 പൊതുമെറിറ്റടക്കം 254 തസ്തികളിൽ ഈഴവർ നിയമനം നേടി. ഈഴവ സംവരണം 10.27ശതമാനമായെങ്കിൽ  മുസ് ലിം സംവരണം 9.16ൽ ഒതുങ്ങി.2023-24ലെ ആകെ നിയമനം 39,175 ആണ്. ഇതിൽ ഈഴവ 8,804, മുസ് ലിം 5,136, പട്ടിക ജാതി 3,003, പട്ടിക വർഗം 1,029, ലത്തീൻ 1,562, മറ്റു പിന്നോക്കം 2,203, വിശ്വകർമ 1,174, ധീവര 508, നാടാർ 537, പരിവർത്തിത ക്രൈസ്തവർ 380, ഹിന്ദു നാടാർ 350 എന്നിങ്ങനെയാണ്. 
ഈഴവ നിയമനത്തിൽ 4,448 എണ്ണം പൊതുവിഭാഗത്തിലും 4,356 എണ്ണം സംവരണത്തിലുമാണ്.  11.35 ആണ് സംവരണ ശതമാനം. മുസ് ലിംകൾക്ക് കിട്ടിയ 5,136 നിയമനങ്ങളിൽ 1,139 എണ്ണം മാത്രമാണ് പൊതു മെറിറ്റിലുള്ളത്. 3,997 ഉും സംവരണത്തിലാണ്. സംവരണ ശതമാനം 10.2 മാത്രമാണ്.