സുല്‍ത്താന്‍ ബത്തേരി: 66 കെ.വി സബ് സ്‌റ്റേഷന്‍ പരിധിയില്‍ വരുന്ന പ്രദേശങ്ങളിലെ കെ.എസ്.ഇ.ബിയുടെ അപ്രഖ്യാപിത പവര്‍കട്ട് വിദ്യാര്‍ഥികളടക്കമുള്ളവര്‍ക്ക് ദുരിതമാകുന്നു.
എസ്.എസ്.എല്‍.സി, പ്ലസ് വണ്‍, പ്ലസ് ടു പരീക്ഷകള്‍ നടക്കുന്ന സമയത്ത് രാവിലെയും വൈകിട്ടുമുള്ള പവര്‍ കട്ട് വിദ്യാര്‍ഥികളുടെ പഠനത്തെ കാര്യമായി ബാധിക്കുന്നുവെന്നാണ് രക്ഷിതാക്കളുടെ പരാതി. കഴിഞ്ഞ പത്ത് ദിവസമായി രാവിലെയും വൈകിട്ടും ഒരു മണിക്കൂര്‍ വീതമാണ് പവര്‍ കട്ട്. കൂടാതെ രാത്രി സമയങ്ങളില്‍ ഇടവിട്ട് വൈദ്യുതി ബന്ധം ഇല്ലാതാവുന്നതും വിദ്യാര്‍ഥികളെയും പൊതുജനങ്ങളെയും ഒരു പോലെയാണ് ബുദ്ധിമുട്ടിലാക്കുന്നത്. പരീക്ഷാ കാലത്തെ അപ്രഖ്യാപിത പവര്‍കട്ട് നിര്‍ത്തിവയ്ക്കണമെന്നാണ് ആവശ്യം ഉയരുന്നത്.