ചപ്പാരപ്പടവ്: ചപ്പാരപ്പടവ് മഖാം ശരീഫ് ഉറൂസിന് തുടക്കം കുറിച്ച് ഒ.എം അബ്ദുല്‍ ഖാദര്‍ഹാജി പതാക ഉയര്‍ത്തി. ഉമര്‍ ഫൈസി ഇര്‍ഫാനി ഉദ്ഘാടനം ചെയ്തു. ശരീഫ് ഫൈസി ഇര്‍ഫാനി അധ്യക്ഷനായി. ഇന്ന് വൈകുന്നേരം 7ന് സിദ്ദിഖ് ജലാലി ഈശ്വരമംഗലം പ്രഭാഷണം നടത്തും. നാളെ ഹസന്‍ മുസ്‌ലിയാര്‍ ഏര്യവും 14ന് വൈകുന്നേരം ഫിറോസ് ഖാന്‍ ഫൈസി ഇര്‍ഫാനിയും പ്രഭാഷണം നടത്തും. 15ന് വൈകുന്നേരം സ്വലാത്ത് മജ്‌ലിസിനും പ്രഭാഷണത്തിനും ചപ്പാരപ്പടവ് ഉസ്താദ് നേതൃത്വം നല്‍കും. 16ന് വൈകുന്നേരം 3ന് മൗലീദ് സദസും ഖത്തം ദുആയും. 17ന് ഉച്ചക്ക് അന്നദാനം.