HOME
DETAILS

മാണിയെ കൂട്ടാന്‍ വീണ്ടും കുമ്മനം

  
backup
March 19 2018 | 01:03 AM

%e0%b4%ae%e0%b4%be%e0%b4%a3%e0%b4%bf%e0%b4%af%e0%b5%86-%e0%b4%95%e0%b5%82%e0%b4%9f%e0%b5%8d%e0%b4%9f%e0%b4%be%e0%b4%a8%e0%b5%8d%e2%80%8d-%e0%b4%b5%e0%b5%80%e0%b4%a3%e0%b5%8d%e0%b4%9f%e0%b5%81%e0%b4%82

 

തിരുവനന്തപുരം: ചെങ്ങന്നൂരില്‍ മാണിയെ ഒപ്പം കൂട്ടാന്‍ പണി പതിനെട്ടും പയറ്റി ബി.ജെ.പി. ചെങ്ങന്നൂര്‍ ഉപതെരഞ്ഞെടുപ്പില്‍ മനഃസാക്ഷിവോട്ടെന്ന സൂചന ഇന്നലെ രാവിലെ പുറത്തുവന്നതിന് പിന്നാലെ കെ.എം മാണിയെ എന്‍.ഡി.എയിലേക്ക് സ്വാഗതം ചെയ്ത് വീണ്ടും ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍ രംഗത്തെത്തി. എന്‍.ഡി.എയുടെ നയപരിപാടികള്‍ അംഗീകരിക്കുന്ന ആരുടെ മുന്നിലും മുന്നണിയുടെ വാതില്‍ തുറന്നിട്ടിരിക്കുകയാണെന്ന് കുമ്മനം പറഞ്ഞു.
മാണി അനുകൂലമായി പ്രതികരിച്ചാല്‍ ഘടകകക്ഷികളുമായി ചര്‍ച്ച ചെയ്ത് തീരുമാനമെടുക്കും. ബി.ഡി.ജെ.എസുമായുള്ള പ്രശ്‌നങ്ങള്‍ ചെങ്ങന്നൂര്‍ ഉപതെരഞ്ഞെടുപ്പിന് മുന്‍പ് തീരുമെന്നാണ് പ്രതീക്ഷയെന്നും കുമ്മനം രാജശേഖരന്‍ ചെങ്ങന്നൂരില്‍ പറഞ്ഞു.
ചെങ്ങന്നൂരിലെ ഉപതെരഞ്ഞെടുപ്പില്‍ ബി.ജെ.പി സ്ഥാനാര്‍ഥി ശ്രീധരന്‍പിള്ളയ്ക്ക് വോട്ട് തേടി ബി.ജെ.പി മുന്‍ സംസ്ഥാന അധ്യക്ഷന്‍ പി.കെ കൃഷ്ണദാസിന്റെ നേതൃത്വത്തിലുള്ള സംഘം കെ.എം മാണിയെ സന്ദര്‍ശിച്ചിരുന്നു. കുമ്മനത്തിന്റെ നിര്‍ദേശത്തെ തുടര്‍ന്നാണ് കൃഷ്ണദാസ് മാണിയെ കണ്ട് ചര്‍ച്ച നടത്തിയത്. എന്നാല്‍ കുമ്മനത്തിന്റെയും കൃഷ്ണദാസിന്റെയും നിലപാടിനെ വിമര്‍ശിച്ച് ബി.ജെ.പിയുടെ മറ്റൊരു മുന്‍ അധ്യക്ഷനായ വി. മുരളീധരന്‍ രംഗത്തുവന്നു.
തെരഞ്ഞെടുപ്പില്‍ കള്ളന്മാരുടെയും കൊള്ളക്കാരുടെയും വോട്ട് തേടുന്നതില്‍ പ്രശ്‌നങ്ങളൊന്നുമില്ലെന്ന് വി. മുരളീധരന്‍ പറഞ്ഞു. തെരഞ്ഞെടുപ്പില്‍ ആരില്‍ നിന്നായാലും വോട്ട് സ്വീകരിക്കും. കേരളാ കോണ്‍ഗ്രസ് എം. ചെയര്‍മാന്‍ കെ.എം മാണി അഴിമതിക്കാരനാണോയെന്ന് ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍ പറയുമെന്നും അദ്ദേഹം കൂട്ടിച്ചേര്‍ത്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."