റിയാദ്: സഊദിയിലെ പ്രമുഖ പെട്രോകെമിക്കല്‍ ഫാക്ടറിയെ ലക്ഷ്യംവച്ച് നടത്തിയ സൈബര്‍ ആക്രമണം തകര്‍ത്തതായി അധികൃതര്‍. കഴിഞ്ഞ ഓഗസ്റ്റിലാണ് സംഭവം നടന്നതെങ്കിലും കഴിഞ്ഞ ദിവസമാണ് സഊദി ഇക്കാര്യം പുറത്തുവിട്ടത്. ആളപായവും വന്‍നാശ നഷ്ടവും ലക്ഷ്യമിട്ട സൈബര്‍ ആക്രമണം രഹസ്യ കോഡുകളിലെ തകരാര്‍ മൂലമാണ് പാരാജയപ്പെട്ടത്. സുരക്ഷാ സൈറ്റായ സൈബര്‍ സ്‌കൂപ്പും സംഭവം റിപ്പോര്‍ട്ട് ചെയ്തിട്ടുണ്ട്.
ഇത്തരത്തിലുള്ള ആക്രമണം നടത്തുന്നതിനുള്ള സാങ്കേതികവിദ്യ ഇറാന് ലഭ്യമാണെന്നും സംഭവത്തിന് പിന്നില്‍ ഇറാന്റെ സഹായങ്ങളുണ്ടെന്നും ഉദ്യോഗസ്ഥര്‍ വ്യക്തമാക്കി. സഊദി ദേശീയ എണ്ണക്കമ്പനിയായ അരാംകോ ഉള്‍പ്പെടെ വിവിധ മന്ത്രാലയങ്ങള്‍ക്ക് നേരെയും സൈബര്‍ ആക്രമണങ്ങള്‍ നടന്നിരുന്നു.