HOME
DETAILS

ഊട്ടി പര്‍വത തീവണ്ടി; നീരാവി എന്‍ജിന്‍ വീണ്ടും ഓടിത്തുടങ്ങുന്നു

  
backup
March 19 2018 | 01:03 AM

%e0%b4%8a%e0%b4%9f%e0%b5%8d%e0%b4%9f%e0%b4%bf-%e0%b4%aa%e0%b4%b0%e0%b5%8d%e2%80%8d%e0%b4%b5%e0%b4%a4-%e0%b4%a4%e0%b5%80%e0%b4%b5%e0%b4%a3%e0%b5%8d%e0%b4%9f%e0%b4%bf-%e0%b4%a8%e0%b5%80%e0%b4%b0

ഊട്ടി: യുനസ്‌കോയുടെ പൈതൃക പട്ടികയില്‍ ഇടം നേടിയ ഊട്ടി പര്‍വത തീവണ്ടിയുടെ നീരാവി എന്‍ജിന്‍ വീണ്ടും ഓടിത്തുടങ്ങുന്നു. വിനോദ സഞ്ചാരികളുടെ നിരന്തര ആവശ്യം പരിഗണിച്ചാണ് സാങ്കേതിക കാരണങ്ങളാല്‍ നിര്‍ത്തലാക്കിയ നീരാവി എന്‍ജിന്‍ വീണ്ടും പ്രവര്‍ത്തന സജ്ജമാക്കുന്നത്.


ഈമാസം 31 മുതല്‍ മേട്ടുപാളയത്തിനും കുന്നൂരിനും ഇടയിലാണ് എന്‍ജിന്‍ ഘടിപ്പിച്ച സര്‍വീസ് ആരംഭിക്കുക. 52 സീറ്റുകളോട് കൂടിയ രണ്ട് ഫസ്റ്റ് ക്ലാസ് ബോഗികളും ഒരു സെക്കന്‍ഡ് ക്ലാസ് ബോഗിയുമാണ് പഴമയുടെ ഓര്‍മ്മ പുതുക്കി സര്‍വീസിലുണ്ടാകുക. ടിക്കറ്റുകള്‍ മുന്‍കൂട്ടി ബുക്ക് ചെയ്യാനും സൗകര്യമൊരുക്കും.


മേട്ടുപാളയത്തു നിന്ന് കുന്നൂരിലേക്ക് ഫസ്റ്റ് ക്ലാസിന് വലിയവര്‍ക്ക് 1,100 രൂപയും കുട്ടികള്‍ക്ക് 650 രൂപയുമാണ് ടിക്കറ്റ് നിരക്ക്. സെക്കന്‍ഡ് ക്ലാസിന് വലിയവര്‍ക്ക് 800 രൂപയും കുട്ടികള്‍ക്ക് 500 രൂപയുമാണ് ചാര്‍ജ്. അഞ്ച് വയസിനു താഴെയുള്ള കുട്ടികള്‍ക്ക് സൗജന്യമാണ്. കാലപ്പഴക്കം ചെന്ന നീരാവി എന്‍ജിന്‍ സര്‍വീസ് അവസാനിപ്പിച്ച് ഊട്ടി റെയില്‍വേ സ്റ്റേഷനില്‍ പ്രദര്‍ശനത്തിന് വച്ചിരുന്നു. നീരാവി എന്‍ജിന്‍ സര്‍വീസ് ആരംഭിക്കണമെന്ന ആവശ്യം ശക്തമായതോടെ എന്‍ജിന്റെ സാങ്കേതിക തകരാറുകള്‍ പരിഹരിച്ച് വീണ്ടും പ്രവര്‍ത്തന സജ്ജമാക്കുകയായിരുന്നു.


 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."