ജിദ്ദ: രാത്രി നമസ്‌കാരങ്ങള്‍ക്കിടയിലെ ഇടവേള വര്‍ധിപ്പിക്കണം എന്ന ശൂറാ കൗണ്‍സില്‍ അംഗങ്ങളുടെ നിര്‍ദേശം കൗണ്‍സില്‍ തള്ളി.

വിശ്വാസികളുടെ സൗകര്യം കണക്കിലെടുത്താണ് ഇങ്ങനെയൊരു നിര്‍ദേശം കൗണ്‍സിലിന്റെ പരിഗണയില്‍ വന്നിരുന്നത്.

രാത്രി നിര്‍വഹിക്കുന്ന മഗ്‌രിബ്, ഇഷാ നിസ്‌കാരങ്ങള്‍ക്കിടയില്‍ നിലവില്‍ ഏതാണ്ട് ഒന്നര മണിക്കൂര്‍ ആണ് ഇടവേളയുള്ളത്.

പ്രധാന നഗരങ്ങളില്‍ ഇതു രണ്ടു മണിക്കൂറാക്കി വര്‍ധിപ്പിക്കണം എന്നാണ് ശൂറാ കൗണ്‍സില്‍ ചില അംഗങ്ങള്‍ നിര്‍ദേശം വച്ചിരുന്നത്.

ഇരുപത്തിയഞ്ചോളം കൗണ്‍സില്‍ അംഗങ്ങള്‍ ഒപ്പിട്ട നിര്‍ദേശമാണ് യോഗം തള്ളിയത്.

നിലവില്‍ റമദാന്‍ മാസത്തില്‍ ഇങ്ങനെ രണ്ടു മണിക്കൂര്‍ ഇടവേള അനുവദിച്ചിട്ടുണ്ട്. റമദാനിലെ ഇടവേള രണ്ടര മണിക്കൂര്‍ ആക്കി വര്‍ധിപ്പിക്കാനും അംഗങ്ങള്‍ നിര്‍ദേശിച്ചിരുന്നത്.