മുംബൈ: മഹാരാഷ്ട്രയിലെ താനെയിൽ മദ്യലഹരിയിൽ പൊലിസിനെ ആക്രമിച്ച് യുവാവ്. ഡ്യൂട്ടിയിലുണ്ടായിരുന്ന പൊലിസ് കോൺസ്റ്റബിളിനെയാണ് അയാളുടെ തന്നെ ലാത്തി വാങ്ങി യുവാവ് പൊതിരെ തല്ലിയത്. സംഭവത്തിന്റെ സിസിടിവി ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. 

ഖഡക്പാഡ പൊലിസ് സ്റ്റേഷനിൽ നിന്നുള്ള കോൺസ്റ്റബിൾ ഗണേഷ് ചവാനാണ് മർദനമേറ്റത്. രാഹുൽ തയാഡെ എന്നയാളാണ് പോലീസ് കോൺസ്റ്റബിളിനെ മർദ്ദിച്ചത്.

कल्याणमधील घटना, पोलीस कर्मचाऱ्यावर तरुणाने केला हल्ला pic.twitter.com/GmZMK1qk1S

— News18 Marathi (@News18_marathi) July 27, 2026

രാത്രി സമയത്ത് അടിയന്തര സഹായം തേടിയുള്ള ഒരു സ്ത്രീയുടെ ഫോൺ വിളിയെ തുടർന്ന് പൊലീസ് സംഘം സ്ഥലത്തെത്തുകയായിരുന്നെന്ന് റിപ്പോർട്ടിൽ പറയുന്നു. അവിടെ എത്തിയപ്പോഴാണ് മദ്യലഹരിയിലായിരുന്ന യുവാവ് പൊലീസുകാരനുമായി വാക്ക് തർക്കത്തിലേർപ്പെട്ടതും പിന്നാലെ മർദ്ദിച്ചത്. ഇരുവരും തമ്മിലുള്ള തർക്കം രൂക്ഷമായതോടെ ഇയാൾ പൊലീസുകാരൻറെ കൈയിൽ ഉണ്ടായിരുന്ന ലാത്തി ബലമായി തട്ടിയെടുത്ത് അതുപയോഗിച്ച് ആക്രമിക്കുകയായിരുന്നു. യുവാവ് പോലീസ് ഉദ്യോഗസ്ഥൻറെ കോളറിന് പിടിച്ച് വലിക്കുകയും മുഖത്ത് അടിക്കുകയും ചെയ്യുന്നത് ദൃശ്യങ്ങളിൽ വ്യക്തമാണ്. 

"young man assaults police officer with a baton in maharashtra; video."