പേരൂര്‍ക്കട: വട്ടിയൂര്‍ക്കാവ് പോളിടെക്‌നിക്കിലുണ്ടായ വിദ്യാര്‍ഥി സംഘട്ടനത്തില്‍ ഒരാള്‍ക്കു പരുക്കേറ്റു. പോത്തന്‍കോട് സ്വദേശി വിനീതിനാണ് പരിക്ക്. ദിവസങ്ങള്‍ക്കു മുമ്പ് ഗ്രൗണ്ടില്‍ ക്രിക്കറ്റ് കളിക്കുന്നതുമായി ഉണ്ടായ തര്‍ക്കമാണ് സംഘട്ടനത്തില്‍ കലാശിച്ചത്. സംഭവത്തില്‍ കോളജ് വിദ്യാര്‍ഥികളായ കൃഷ്ണപ്രസാദ്, വൈശാഖ് എന്നിവര്‍ക്കെതിരേ വട്ടിയൂര്‍ക്കാവ് പൊലിസ് കേസെടുത്തു.