യാങ്കോന്‍: മ്യാന്‍മറില്‍ പിടികൂടിയ റോയിട്ടേഴ്‌സ് മാധ്യമപ്രവര്‍ത്തകരെ നൂറ് ദിവസത്തെ ജയില്‍വാസത്തിനു ശേഷം കോടതിയില്‍ ഹാജരാക്കി. സര്‍ക്കാരിന്റെ രഹസ്യ പേപ്പറുകള്‍ കൈക്കലാക്കിയെന്നാരോപിച്ചാണ് വാ ലോണ്‍, ച്യാ സൂ എന്നിവരെ കഴിഞ്ഞ ഡിസംബറില്‍ അറസ്റ്റ് ചെയ്തത്.
ഇവര്‍ക്കെതിരേയുള്ള കുറ്റങ്ങള്‍ തെളിയിക്കപ്പെടുകയാണെങ്കില്‍ 14 വര്‍ഷത്തെ തടവിന് വിധിച്ചേക്കാം.
നേരത്തെ മാധ്യമ പ്രവര്‍ത്തകരുടെ അറസ്റ്റിനെതിരേ വ്യാപകമായ പ്രതിഷേധമുണ്ടായിരുന്നു. റോഹിംഗ്യകളുടെ കുഴിമാടം കണ്ടെത്തിയ വാര്‍ത്ത പുറത്തുവിട്ടതിനെ തുടര്‍ന്നാണ് ഇവരെ അറസ്റ്റ് ചെയ്തതെന്ന് ആരോപണമുണ്ട്.