മലപ്പുറം: അന്താരാഷ്ട്ര ജലദിനത്തോടനുബന്ധിച്ച് മുസ്‌ലിം ലീഗ് പരിസ്ഥിതി സംരക്ഷണ സമിതി സംഘടിപ്പിക്കുന്ന സെമിനാര്‍ ഇന്ന് മലപ്പുറത്ത് നടക്കും. കുന്നുമ്മല്‍ ടൗണ്‍ഹാള്‍ പരിസരത്തുള്ള കെ.എച്ച്.എസ്.ടിയു ഹാളില്‍ നടക്കുന്ന സെമിനാര്‍ മുസ്‌ലിം ലീഗ് സംസ്ഥാന ജന. സെക്രട്ടറി കെ.പി.എ മജീദ് ഉദ്ഘാടനം ചെയ്യും.
ജല സംരക്ഷണ പ്രവര്‍ത്തനങ്ങള്‍ ഏറ്റെടുത്ത് നടത്താന്‍ പഞ്ചായത്ത് ഭാരവാഹികള്‍ക്ക് പ്രത്യേക പരിശീലനം നല്‍കും.
പരിശീലനത്തിന് തൃശൂര്‍ വെല്‍നെസ് ഫൗണ്ടേഷന്‍ ഡയരക്ടര്‍ ഹുസൈന്‍ ചെറുതുരുത്തി നേതൃത്വം നല്‍കും. സെമിനാറില്‍ ജില്ലയിലെ ഗ്രാമ-ബ്ലോക്ക് പ്രസിഡന്റുമാരും ജില്ലാ പഞ്ചായത്ത് പ്രതിനിധികളും പങ്കെടുക്കും.