എറണാകുളം: ഡോക്ടര്‍മാരുടെ മരുന്ന് കുറിപ്പടികള്‍ ആരും വായിക്കാനാവാത്തവിധം എഴുതുന്നതിനെതിരെ ഉപഭോക്തൃ കോടതി കടുത്ത വിമര്‍ശനം ഉന്നയിച്ചു. ഡോക്ടര്‍മാര്‍ എഴുത്ത് വ്യക്തമായി, വായിക്കാന്‍ പറ്റുന്ന രീതിയിലായിരിക്കണം എന്ന് നിര്‍ദേശിച്ച് എറണാകുളം ജില്ലാ ഉപഭോക്തൃ തര്‍ക്കപരിഹാര കോടതി ആവശ്യപ്പെട്ടു. കൂടാതെ, ചികിത്സാ സംബന്ധമായ എല്ലാ മെഡിക്കല്‍ രേഖകളും രോഗികള്‍ക്ക് യഥാസമയം ലഭ്യമാക്കണമെന്നും കോടതി ചൂണ്ടിക്കാട്ടി.

പറവൂര്‍ സ്വദേശിയായ വ്യക്തി ചികിത്സാ പിഴവിനെതിരെ സമര്‍പ്പിച്ച ഹര്‍ജിയിലാണ് കോടതിയുടെ നിര്‍ദേശം. എറണാകുളത്തെ ഒരു സ്വകാര്യ ആശുപത്രിയിലുണ്ടായ സംഭവമാണ് ഹര്‍ജിക്കു പിന്നില്‍. കേസ് പരിഗണിക്കവേ, ആരോഗ്യരംഗത്ത് സുതാര്യതയും ഉത്തരവാദിത്തവുമാണ് ആവശ്യമായതെന്ന് കോടതി നിരീക്ഷിച്ചു.

ഡോക്ടര്‍മാരുടെ കുറിപ്പടികള്‍ വായിക്കാന്‍ സാധിക്കാതെ വന്നാല്‍ രോഗികള്‍ക്കുള്ള  അവകാശങ്ങളിലും അതിന്റെ സുരക്ഷയിലും ഭീഷണിയാകും ഉണ്ടാകുക. ഭരണഘടന നല്‍കുന്ന ജീവിക്കാനുള്ള അടിസ്ഥാനാവകാശവുമായി ബന്ധപ്പെട്ടതാണ് ഇത്തരമൊരു പ്രശ്നമെന്ന് ഡി.ബി. ബിനു അധ്യക്ഷനായ ബെഞ്ച് വ്യക്തമാക്കി.

The Ernakulam District Consumer Disputes Redressal Commission has issued a directive urging doctors to stop writing illegible prescriptions. The court emphasized that prescriptions must be clearly written so patients can understand them and access proper treatment. The directive came during the hearing of a complaint filed by a Paravoor resident regarding medical negligence at a private hospital. The court also stressed the timely availability of medical records to patients and linked the issue to the fundamental right to life under the Constitution.