മിലാൻ: ഇറ്റലിയിലെ ബെർഗാമോ വിമാനത്താവളത്തിൽ ചൊവ്വാഴ്ച രാവിലെ പറന്നുയരാൻ ഒരുങ്ങുകയായിരുന്ന വോളോട്ടിയ വിമാനത്തിന്റെ എഞ്ചിനിൽ കുടുങ്ങി ഒരാൾ മരിച്ചു. രാവിലെ 10.20-ന് ഉണ്ടായ ഈ അപകടത്തിൽ 35 വയസ്സുള്ള ഒരു യുവാവാണ് മരണപ്പെട്ടതെന്ന് ഇറ്റാലിയൻ മാധ്യമങ്ങൾ വെളിപ്പെടുത്തി.

സ്പെയിനിലെ ആസ്റ്റുരിയസിലേക്ക് പുറപ്പെടാനിരുന്ന വൊളോത്തിയ എയർലൈൻസിന്റെ എ319 എയർബസിന്റെ മുന്നിലാണ് ഇയാൾ അപ്രതീക്ഷിതമായി എത്തിയത്. ഈ സംഭവത്തെ തുടർന്ന് വിമാനത്താവളത്തിൽ ഏകദേശം രണ്ട് മണിക്കൂർ വിമാന ഗതാഗതം തടസ്സപ്പെട്ടതായി അധികൃതർ അറിയിച്ചു.

ALSO READ: ലോകം മാറി, നമുക്ക് ഒരു ചക്രവർത്തിയെ വേണ്ട; ബ്രിക്സ് താരിഫ് ഭീഷണിയിൽ ട്രംപിനോട് ബ്രസീൽ പ്രസിഡൻ്റ് x

ഇയാൾ യാത്രക്കാരനോ വിമാനത്താവള ജീവനക്കാരനോ അല്ലെന്നും, വിമാനത്താവളത്തിന്റെ ബാഗേജ് ക്ലെയിം ഏരിയയ്ക്ക് സമീപമുള്ള സുരക്ഷാ വാതിലുകളിൽ ഒന്നിലൂടെയാണ് അയാൾ റൺവേയിൽ പ്രവേശിച്ചതെന്ന് കരുതുന്നതായും ചില പ്രാദേശിക മാധ്യമങ്ങൾ റിപ്പോർട്ട് ചെയ്തു. 

വൊളോത്തിയ എയർലൈൻസ് ഈ ദുരന്തത്തെക്കുറിച്ച് അന്വേഷണം പ്രഖ്യാപിച്ചിട്ടുണ്ട്. സംഭവത്തിന്റെ ഫലമായി ഏകദേശം 19 വിമാനങ്ങൾ റദ്ദാക്കപ്പെടുകയും 9 വിമാനങ്ങൾ മറ്റ് വിമാനത്താവളങ്ങളിലേക്ക് വഴിതിരിച്ചുവിടുകയും ചെയ്തതായി ഫ്ലൈറ്റ് ട്രാക്കർ ഏജൻസിയായ ഫ്ലൈറ്റ്റ്റാഡാർ-24 അറിയിച്ചു.

A 35-year-old man died after being sucked into the engine of a Volotea plane at Bergamo Airport in Italy on Tuesday morning. The incident occurred around 10:20 AM as the plane was preparing for takeoff. The victim's identity has not been released [1].