തിരുവനന്തപുരം: പൊലിസ് ട്രെയിനിങ് മാന്വല്‍ പരിഷ്‌കരിക്കുന്നതിനുള്ള നടപടികള്‍ നടന്നുവരികയാണെന്ന് മുഖ്യമന്ത്രി പിണറായി വിജയന്‍. 2017 മുതല്‍ ഇതുവരെ ആകെ 17 പൊലിസ് ഉദ്യോഗസ്ഥര്‍ ആത്മഹത്യ ചെയ്തിട്ടുണ്ടെന്നും മുഖ്യമന്ത്രി പറഞ്ഞു.
മാനസിക പിരിമുറുക്കത്തില്‍നിന്ന് മോചിപ്പിക്കുന്നതിന് പൊലിസ് അക്കാദമി, പൊലിസ് ട്രെയിനിങ് കോളജ് എന്നിവിടങ്ങളില്‍ ഫിറ്റ്‌നസ് ആന്‍ഡ് വെല്‍നസ് സെന്റര്‍ ആരംഭിക്കുന്നതിന് നിര്‍ദേശം നല്‍കിയിട്ടുണ്ട്. പൊലിസ് ട്രെയിനിങ് കോളജുകളിലെ ട്രെയിനികള്‍ക്ക് അപരിഷ്‌കൃതമായ ശിക്ഷാവിധികള്‍ നല്‍കുന്നത് ശ്രദ്ധയില്‍പ്പെട്ടിട്ടില്ലെന്നും മുഖ്യമന്ത്രി നിയമസഭയില്‍ വ്യക്തമാക്കി.