വാടാനപ്പള്ളി: നാട്ടിക മഹല്ല് കമ്മിറ്റിയുടെയും, യു.എ.ഇ വെല്‍ഫെയര്‍ കമ്മിറ്റിയുടെയും നേതൃത്വത്തില്‍ ഭവന രഹിതരായ മഹല്ലിലെ  പാവപ്പെട്ടവര്‍ക്ക് വീട് നിര്‍മിച്ചു നല്‍കുന്ന 'ബൈത്തുന്നൂര്‍' പദ്ധതിയിലെ രണ്ടാമത്തെ വീടിന്റെ ശിലാസ്ഥാപനം ജൂണ്‍ അഞ്ചിനു ഞായറാഴ്ച വൈകീട്ട് നാലു മണിക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിക്കും.
മഹല്ലിലെ പരേതനായ വലിയകത്ത് ഇബ്രാഹീമിന്റെ ഭാര്യ ഫാത്തിമക്കും കുടുംബത്തിനുമാണു 526 ചതുരശ്ര അടിയില്‍ ഏകദേശം എട്ട് ലക്ഷം രൂപ ചിലവില്‍ മഹല്ല് കമ്മറ്റി വീട് നിര്‍മ്മിച്ചു നല്‍കുന്നതെന്ന് നാട്ടിക മഹല്ല് സെക്രട്ടറി സി.എ.മുഹമ്മദ് റഷീദ് പറഞ്ഞു.