ലഖ്‌നൗ: പിരിയാന്‍ കഴിയാത്തതിനെത്തുടര്‍ന്ന് മൂന്നു സഹോദരിമാര്‍ ചേര്‍ന്ന് ഒരാളെ വിവാഹം കഴിച്ചു. ഇന്‍ഫ്‌ളുവന്‍സര്‍മാരായ മൂന്ന് സഹോദരിമാര്‍ ചേര്‍ന്ന് വിവാഹം കഴിച്ചത് തങ്ങളുടെ ക്യാമറമാനെയായിരുന്നു. ഉത്തര്‍പ്രദേശിലെ അമ്രോഹ ജില്ലയിലെ ക്ഷേത്രത്തിലാണ് അപൂര്‍വ വിവാഹം നടന്നത്. വികാസ്(23) ആണ് വരന്‍. ധോരിയ ഗ്രാമത്തിലെ സഹോദരിമാരായ ദേവിക(18), ഛവി (19), അല്‍ക(20) എന്നിവരാണ് വധുക്കള്‍. യുവാവ് പെണ്‍കുട്ടികളെ സിന്ദൂരമണിയിക്കുകയും വലം വെയ്ക്കുകയും ചെയ്യുന്ന ദൃശ്യങ്ങള്‍ സാമൂഹികമാധ്യമങ്ങളില്‍ വൈറലാണ്.

ഇവരെ ഹസന്‍പൂന്‍ പൊലിസ് സ്റ്റേഷനിലേക്ക് വിളിച്ചു വരുത്തി പ്രായപൂര്‍ത്തിയായവരാണെന്ന് തെളിക്കുന്ന രേഖ ഹാജരാക്കാന്‍ പറഞ്ഞിട്ടുണ്ട്. നിയമലംഘനം കണ്ടെത്താന്‍ സാധിക്കുകയാണെങ്കില്‍ തുടര്‍ നടപടികള്‍ സ്വീകരിക്കുമെന്ന് പൊലിസ് പറഞ്ഞു.

പെണ്‍കുട്ടികള്‍ക്കായി വീട്ടുകാര്‍ വിവാഹ ആലോചന നടത്തുന്നതിനിടയിലാണ് സംഭവം. ചെറുപ്പം മുതലേ ഒരുമിച്ച് വളര്‍ന്ന തങ്ങള്‍ക്ക് വിവാഹശേഷം പിരിയാന്‍ സാധിക്കാത്തത് കൊണ്ടാണ് ഒരാളെ വിവാഹം കഴിക്കാന്‍ തീരുമാനിച്ചെതെന്ന് സഹോദരിമാര്‍ പറഞ്ഞു.

Unable to bear the thought of living apart, three influencer sisters have married the same man in Uttar Pradesh's Amroha district. The bridegroom, 23-year-old Vikas, was working as their cameraman