തിരുവനന്തപുരം: സംസ്ഥാനത്തെ 2500 ഓളം പെട്രോള്‍ പമ്പുകള്‍ ഇന്നലെ രാവിലെ ആറുമുതല്‍ ഉച്ചക്ക് ഒരു മണി വരെ പണിമുടക്കി.
പമ്പുകളിലെ ജീവനക്കാര്‍ക്ക് നേരെ സമീപകാലത്തുണ്ടായ അക്രമങ്ങളില്‍ സര്‍ക്കാര്‍ നടപടിയെടുക്കാത്തതില്‍ പ്രതിഷേധിച്ചായിരുന്നു പണിമുടക്ക്.
രാത്രികാലങ്ങളില്‍ പെട്രോള്‍ പമ്പുകള്‍ക്ക് വലിയ സുരക്ഷാ ഭീഷണിയുണ്ടെന്നും നടപടിയെടുക്കാന്‍ സര്‍ക്കാര്‍ തയാറാകണമെന്നും ഓള്‍ കേരളാ ഫെഡറേഷന്‍ ഓഫ് പെട്രോളിയം ട്രേഡേഴ്‌സ് ആവശ്യപ്പെട്ടു.