സിഡ്‌നി: ആസ്‌ത്രേലിയക്കെതിരേ ചാരപ്പണിയെടുത്ത റഷ്യക്ക് മുന്നറിയിപ്പുമായി ആസ്‌ത്രേലിയ. ജൂണില്‍ റഷ്യയില്‍ നടക്കുന്ന ഫുട്‌ബോള്‍ ലോകകപ്പ് ബഹിഷ്‌കരിക്കുമെന്ന മുന്നറിയിപ്പാണ് ആസ്‌ത്രേലിയന്‍ വിദേശ കാര്യ മന്ത്രി ജൂലി ബിഷപ്പ് നല്‍കിയത്.
ആസ്‌ത്രേലിയയിലെ കാന്‍ബറയില്‍ നിന്ന് രണ്ട് റഷ്യന്‍ നയതന്ത്ര പ്രതിനിധികളെ പുറത്താക്കിക്കൊണ്ടായിരുന്നു ബിഷപ് ഇക്കാര്യം പ്രസ്താവിച്ചത്. ഏതാനും ദിവസം മുമ്പ് ബ്രിട്ടനില്‍ വച്ചായിരുന്നു റഷ്യ ആസ്‌ത്രേലിയക്കെതിരേ ചാരപ്പണിയെടുത്തത്. നയതന്ത്ര പ്രതിനിധികളെ പുറത്താക്കിയ നടപടി പ്രാധമികമാണെന്നും അടുത്ത തീരുമാനം ഉടന്‍ ഉണ്ടാകുമെന്നും ആസ്്‌ത്രേലിയന്‍ സര്‍ക്കാര്‍ മുന്നറിയിപ്പ് നല്‍കി. ഫ്രാന്‍സ്, പെറു, ഡെന്‍മാര്‍ക്ക് എന്നിവരുള്‍പെടുന്ന ഗ്രൂപ്പിലാണ് ആസ്‌ത്രേലിയയുള്ളത്.