പാലക്കാട്: സമസ്ത ആദര്‍ശവിശുദ്ധിയുടെ നൂറാം വര്‍ഷത്തിലേക്ക് എന്ന പ്രമേയത്തില്‍ ദ്വൈമാസ ആദര്‍ശ സമ്മേളനങ്ങളുടെ ജില്ലാതല ഉദ്ഘാടനം ഏപ്രില്‍ അഞ്ചിന് ആലത്തൂരിലുംസമാപനം മെയ് 11ന് ചാലിശ്ശേരിയിലും നടത്താനും, ക്യാംപയിന്റെ ഭാഗമായി എസ്.കെ.എസ്.എസ്.എഫ് ജില്ലയിലെ 16 മേഖലാ കേന്ദ്രങ്ങളില്‍ ആദര്‍ശ സമ്മേളനങ്ങള്‍ നടത്താനും എസ്.കെ.എസ്.എസ്.എഫ് പാലക്കാട് ജില്ല നേതൃയോഗം തീരുമാനിച്ചു.
ചെര്‍പ്പുള്ളശ്ശേരിയില്‍ ചേര്‍ന്ന എസ്.കെ.എസ്.എസ്.എഫ് ജില്ല ഭാരവാഹികളുടെ യോഗം തീരുമാനിച്ചു.
മണ്ണാര്‍ക്കാട് വെസ്റ്റ് ഏപ്രില്‍ 3, മണ്ണാര്‍ക്കാട് തൃത്താല ഏപ്രില്‍ 11, ഒറ്റപ്പാലം ഏപ്രില്‍ 13, ചെര്‍പ്പുളശ്ശേരി ഏപ്രില്‍ 21, പട്ടാമ്പി കുഴല്‍മന്ദം ഏപ്രില്‍ 22, അലനല്ലൂര്‍ ഏപ്രില്‍ 27, തച്ചനാട്ടുകര ഏപ്രില്‍ 29, പാലക്കാട് ഏപ്രില്‍ 30, കൊപ്പംമെയ് 3, കോങ്ങാട് മെയ് 4, നെന്മാറ മെയ് 7 എന്നീ ദിവസങ്ങളിലാണ് നടത്തുന്നത്.
വിവിധ കേന്ദ്രങ്ങളില്‍ സമസ്തയുടെയും പോഷക ഘടകങ്ങളുടെയും സംസ്ഥാന ജില്ല നേതാക്കള്‍ സംബന്ധിക്കും.
യോഗത്തില്‍ എസ്.കെ.എസ്.എസ്.എഫ് സെക്രട്ടേറിയറ്റ് അംഗം അബ്ദുല്‍ ഖാദര്‍ ഫൈസി, സയ്യിദ് ശിഹാബുദ്ധീന്‍ ജിഫ്രി തങ്ങള്‍, സയ്യിദ് ഉമറുല്‍ ഫാറൂഖ് തങ്ങള്‍, സയ്യിദ് ഹുസ്സൈന്‍ തങ്ങള്‍ കൊടക്കാട്, സയ്യിദ് ഹാഷിം തങ്ങള്‍ ഹുദവി, സി.കെ മുഷ്താഖ്, മുഹമ്മദ് ശരീഫ് ദാരിമി, റഹീം ഫൈസി, സജീര്‍ പേഴുങ്കര, സുബൈര്‍ മൗലവി പുല്ലിശ്ശേരി, കബീര്‍ അന്‍വരി നാട്ടുകല്‍, ആരിഫ് ഫൈസി തിരുവേഗപ്പുറ, ഹിബത്തുള്ള, ഇല്യാസ് ഫൈസി കുഴല്‍മന്ദം, മുഹമ്മദാലി ഉലൂമി ആലത്തൂര്‍, ഇസ്മാഈല്‍ ദാരിമി ആലത്തൂര്‍, സൈഫുദ്ദീന്‍ ലത്വീഫി തൃത്താല, സൈനുല്‍ ആബിദ് ഫൈസി, ജലീല്‍ അസ്‌ലമി ചര്‍ച്ചയില്‍ പങ്കെടുത്തു.
പ്രസിഡന്റ് അന്‍വര്‍ സ്വാദിഖ് ഫൈസി അധ്യക്ഷനായ യോഗത്തില്‍ സെക്രട്ടറി എ.എം അഷ്‌കര്‍ അലി സ്വാഗതവും വര്‍ക്കിങ് സെക്രട്ടറി കുഞ്ഞുമുഹമ്മദ് ഫൈസി നന്ദിയും പറഞ്ഞു.