തിരുവനന്തപുരം: വിദ്യാഭ്യാസത്തെ തൊഴില്‍ നൈപുണ്യവുമായി ബന്ധിപ്പിക്കുന്ന ദേശീയ നൈപുണ്യവികസന ചട്ടക്കൂട് (എന്‍.എസ്.ക്യു.എഫ്.) നടപ്പിലാക്കുമ്പോള്‍ സംസ്ഥാനത്തെ വൊക്കേഷനല്‍ ഹയര്‍ സെക്കന്‍ഡറിയില്‍ പ്രവൃത്തിദിനം ആഴ്ചയില്‍ അഞ്ചാക്കി കുറക്കുന്ന കാര്യം പരിശോധിക്കുന്നതാണെണെന്ന് മന്ത്രി സി. രവീന്ദ്രനാഥ്. നിലവില്‍ വൊക്കേഷനല്‍ ഹയര്‍ സെക്കന്‍ഡറി സ്‌കൂളുകളുടെ പ്രവൃത്തി ദിവസം തിങ്കള്‍ മുതല്‍ ശനി വരെയുള്ള ആറ് ദിവസങ്ങളാണ്.
പ്രവൃത്തി പരിചയത്തിന് കൂടുതല്‍ ഊന്നല്‍ നല്‍കിക്കൊണ്ടുള്ള പഠന പദ്ധതി ആയതിനാലാണ് ശനിയാഴ്ചകള്‍ കൂടി പ്രവൃത്തി ദിനമായി നിശ്ചയിച്ചിട്ടുള്ളത്. എല്‍ദോസ് കുന്നപ്പിള്ളിയുടെ സബ്മിഷന് മറുപടി പറയുകയായിരുന്നു മന്ത്രി.