തുറവൂര്‍: പമ്പാപാതയിലൂടെ തുറവൂര്‍ നിന്നും തൈക്കാട്ടുശേരി, മാക്കേകവല വഴി തവണക്കടവിലേക്ക് ബസ് സര്‍വീസുകള്‍ ആരംഭിക്കണമെന്നാവശ്യം ശക്തമായി.
ധാരാളം പേര്‍ ഈ മേഖലയില്‍ നിന്നും ബസ് കിട്ടാതെ കൃത്യ സമയത്ത് ജോലിക്ക് എത്തിച്ചേരാന്‍ കഴിയാതെ ക്ലേശിക്കുകയാണ്. ദിനംപ്രതി നൂറുക്കണക്കിന് ആളുകളാണ് തവണക്കടവില്‍ നിന്നും തൈക്കാട്ടുശേരിയില്‍ നിന്നും ജോലി സ്ഥലങ്ങളിലേക്ക് പോകുന്നതിന് വേണ്ടി തുറവൂറില്‍ എത്തിച്ചേരുന്നത്. പലര്‍ക്കും കൃത്യസമയത്ത് ബസ് കിട്ടാതെ വലയുകയാണ്. ചില സമയങ്ങളില്‍ മാത്രമേ ഈ പ്രദേശത്തേക്ക് ബസ് സര്‍വീസ് നടത്തുന്നുള്ളു.
ജനങ്ങളുടെ യാത്രാദുരിതങ്ങള്‍ പരിഹരിക്കുന്നതിന് തുറവൂര്‍ നിന്നും തവണക്കടവിലേക്ക് കൂടുതല്‍ ബസുകള്‍ സര്‍വീസ് നടത്താന്‍ അധികൃതര്‍ തയ്യാറാകണം.