ചേളാരി: ആദര്‍ശ വിശുദ്ധിയോടെ നൂറാം വര്‍ഷത്തിലേക്ക് എന്ന പ്രമേയവുമായി സമസ്ത കോ ഓഡിനേഷന്‍ 2018 ജനുവരി-മെയ് കാലയളവില്‍ നടത്തുന്ന ആദര്‍ശ കാംപയിനിന്റെ ഭാഗമായി നടത്തുന്ന മേഖലാ സംഗമങ്ങളുടെ തുടക്കം ഏപ്രില്‍ 18 ന് വ്യാഴാഴ്ച കാലത്ത് 9 മണിക്ക് പട്ടിക്ക് ജാമിഅ നൂരിയ അറബിക് കോളജ് കാംപസില്‍ നടക്കും. മധ്യമേഖലാ സംഗമത്തില്‍ മലപ്പുറം ജില്ലയില്‍ നിന്ന് രണ്ടായിരം പ്രതിനിധികളും പാലക്കാട്, തൃശൂര്‍ ജില്ലകളില്‍ നിന്ന് ആയിരം പേര്‍ വീതവും നീലഗിരി ജില്ലയില്‍ നിന്ന് മുന്നൂറ് പ്രതിനിധികളും പങ്കെടുക്കും.
പുത്തനഴി മൊയ്തീന്‍ ഫൈസിയുടെ അധ്യക്ഷതയില്‍ ചേര്‍ന്ന സ്വാഗത സംഘം യോഗം പി കുഞ്ഞാണി മുസ്‌ലിയാര്‍ ഉദ്ഘാടനം ചെയ്തു. കെ. കെ. എസ്തങ്ങള്‍ വെട്ടിച്ചിറ, അബ്ദുല്‍ ഹമീദ് ഫൈസി അമ്പലക്കടവ്, കാടാമ്പുഴ മൂസഹാജി, ഹംസ റംലി, കാളാവ് സൈതലവി മുസ്‌ലിയാര്‍, സി. എച്ച്. ത്വയ്യിബ് ഫൈസി, ബി. എസ്.കെ.തങ്ങള്‍, അലവി ഫൈസി കുളപ്പറമ്പ്. എം.പി. കടുങ്ങല്ലൂര്‍, ആനമങ്ങാട് മുഹമ്മദ് കുട്ടി ഫൈസി, അബ്ദുല്‍ഖാദര്‍ ഫൈസി കുന്നുംപുറം, സലാഹുദ്ദീന്‍ ഫൈസി വല്ലപ്പുഴ, ശാഹുല്‍ ഹമീദ് മാസ്റ്റര്‍ മേല്‍മുറി, ഹസന്‍ സഖാഫി പൂക്കോട്ടൂര്‍,ശമീര്‍ ഫൈസി ഒടമല, ഹുസൈന്‍ കുട്ടി പുളിയാട്ടുകുളം, നിയാസലി ശിഹാബ് എന്നിവര്‍ ചര്‍ച്ചയില്‍ പങ്കെടുത്തു. അബ്ദുസമദ് പൂക്കോട്ടൂര്‍ സ്വഗതവും സലീം എടക്കര നന്ദിയും പറഞ്ഞു.