കോട്ടയം: കഴിഞ്ഞ ദിവസം ജില്ലയിലുടനീളംനടത്തിയ വാഹന പരിശോധനയില്‍ 2633വാഹനങ്ങള്‍ പരിശോധിച്ചു. ഇതില്‍ 1,316 പേര്‍ക്കെതിരേ വിവിധ വകുപ്പുകളില്‍ കേസെടുത്തു. മദ്യപിച്ച് വാഹനമോടിച്ച 80 പേര്‍ക്കെതിരേയും, അമിതവേഗതയിലും അശ്രദ്ധമായും വാഹനമോടിച്ചതിന് 202 പേര്‍ക്കെതിരേയും കേസെടുത്തു. കൂടാതെ ഹെല്‍മറ്റ് ധരിക്കാതെ വാഹനമോടിച്ചതിന് 510 പേര്‍ക്കെതിരേയും സീറ്റ് ബെല്‍റ്റ് ഇല്ലാത്തതിന് 89 പേര്‍ക്കെതിരേയും, അനധികൃത പാര്‍ക്കിങിന് 127 പേര്‍ക്കെതിരേയും മറ്റു ഗതാഗത നിയമലംഘനങ്ങള്‍ക്ക് 308 പേര്‍ക്കെതിരേയും നിയമനടപടികള്‍ സ്വീകരിച്ചു.