ലണ്ടണ്ടന്‍: ക്ലബ് പോരാട്ടങ്ങള്‍ അവസാന ഘട്ടത്തിലേക്ക് കടന്നതോടെ ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിയും ജര്‍മന്‍ ബുണ്ടണ്ടസ് ലീഗില്‍ ബയേണ്‍ മ്യൂണിക്കും കിരീടം ഏറെക്കുറെ ഉറപ്പിച്ചു. മാഞ്ചസ്റ്റര്‍ സിറ്റിക്ക് ശേഷിക്കുന്ന ഏഴ് മത്സരങ്ങളില്‍നിന്നും ബയേണ്‍ മ്യൂണിക്കിന് ശേഷിക്കുന്ന ആറ് മത്സരങ്ങളില്‍നിന്നും ഒരു ജയം മാത്രം മതി കിരീടമുയര്‍ത്താന്‍. കഴിഞ്ഞ മത്സരത്തില്‍ ഒന്നിനെതിരേ മൂന്ന് ഗോളുകള്‍ക്ക് എവര്‍ട്ടനെ പരാജയപ്പെടുത്തിയതോടെയാണ് സിറ്റി കിരീടം ഏറെക്കുറെ ഉറപ്പിച്ചത്. സിറ്റിക്ക് വേണ്ടി സനെ (നാലാം മിനുട്ട്) ഗബ്രിയേല്‍ ജീസസ് (12ാം മിനുട്ട്) റഹീം സ്റ്റെര്‍ലിങ് (37ാം മിനുട്ട്) എന്നിവര്‍ ഗോള്‍ നേടി.
63ാം മിനുട്ടില്‍ ബൊലാസിയിലൂടെ എവര്‍ട്ടന്‍ ഒരു ഗോള്‍ മടക്കിയെങ്കിലും സിറ്റിയെ മറികടക്കാന്‍ സാധിച്ചില്ല. 31 കളികളില്‍ നിന്ന് 27 ജയവും മൂന്ന് സമനിലയും ഒരു തോല്‍വിയുമടക്കം 84 പോയിന്റോടെയാണ് മാഞ്ചസ്റ്റര്‍ സിറ്റി മുന്നേറുന്നത്. രണ്ടാമതുള്ള മാഞ്ചസ്റ്റര്‍ യുനൈറ്റഡിനേക്കാള്‍ 16 പോയിന്റ് മുന്നിലാണവര്‍. 31 മത്സരങ്ങളില്‍ നിന്ന് 21 ജയവും അഞ്ച് സമനിലയും അഞ്ച് തോല്‍വിയുമടക്കം യുനൈറ്റഡിന് 68 പോയിന്റാണുള്ളത്.