ശ്രീനഗര്‍: ജമ്മുകശ്മിരില്‍ ജനക്കൂട്ടം നടത്തിയ കല്ലേറിനെ തുടര്‍ന്ന് നിയന്ത്രണം വിട്ട വാഹനം അപകടത്തില്‍പ്പെട്ട്  രണ്ട് സി.ആര്‍.പി.എഫ് ജവാന്‍മാര്‍ക്ക് വീരമൃത്യു. കൊക്കര്‍നാഗിലെ ഹില്ലാറില്‍ വച്ചാണ് സി.ആര്‍.പി.എഫ് ജവാന്‍മാര്‍ സഞ്ചരിച്ച വാഹനത്തിനു നേരെ കല്ലേറുണ്ടായത്. 164ാം ബറ്റാലിയന്‍ ജവാന്‍മാര്‍ സഞ്ചരിച്ച വാഹനമാണ് അപകടത്തില്‍പ്പെട്ടത്. സി.ആര്‍.പി.എഫ് ജവാന്‍മാരായ റിയാസ് അഹമ്മദ് വാണി, നിസാര്‍ അഹമ്മദ് വാണി എന്നിവര്‍ക്കാണ് ജീവഹാനി നേരിട്ടത്.