ഒറ്റപ്പാലം: കാറ്റും മഴയും ലെക്കിടിയില്‍ ആറുവീടുകള്‍ തകര്‍ന്നു. ചൊവ്വാഴ്ച വൈകിട്ടുണ്ടായ കാറ്റിലും മഴയിലുമാണ് ലെക്കിടി പേരൂര്‍ പഞ്ചായത്തില്‍ ഒന്നാം വില്ലേജില്‍ രണ്ട് വീടുകളും രണ്ടാം വില്ലേജില്‍ നാലു വീടുകളും തകര്‍ന്നത്. രണ്ട് വില്ലേജ് പ്രദേശങ്ങളിലുംപരക്കെ നാശനഷ്ടങ്ങള്‍ ഉണ്ടായിട്ടുണ്ട്.
ശക്തമായ കാറ്റിനെ തുടര്‍ന്ന് മരങ്ങള്‍ കടപുഴങ്ങിയും, കൊമ്പുകള്‍ പൊട്ടിയുമാണ് കൂടുതല്‍ നാശനഷ്ടങ്ങള്‍ ഉണ്ടായത്. പഴയ ലെക്കിടി തെക്കന്റ റോഡ് കിഴക്കേതില്‍ കണ്ണന്റെ വീടിന്റെ ആസ്ബറ്റോസ് ഷീറ്റ് മേഞ്ഞ മേല്‍ക്കൂര പൂര്‍ണമായും തകര്‍ന്നിരുന്നു. ശക്തമായ ഇടിയേറ്റ് തെങ്ങുകളും കരിഞ്ഞ നിലയിലാണ്.