ധാക്ക: ബംഗ്ലാദേശിലെ ഉന്നത സര്‍വകലാശാലയായ ധാക്ക യൂനിവേഴ്‌സിറ്റിയില്‍ വിദ്യാര്‍ഥിസംഘര്‍ഷത്തില്‍ 100 പേര്‍ക്ക് പരുക്ക്. സര്‍ക്കാര്‍ ജോലിയില്‍ പ്രത്യേക വിഭാഗങ്ങള്‍ക്കായി സ്‌പെഷല്‍ ക്വാട്ട അനുവദിച്ച് വിവേചനം കാണിക്കുന്നുവെന്ന് ആരോപിച്ചാണ് വിദ്യാര്‍ഥികള്‍ പ്രക്ഷോഭം സംഘടിപ്പിച്ചത്. വിദ്യാര്‍ഥികളെ പൊലിസ് റബര്‍ ബുള്ളറ്റുകള്‍ കൊണ്ട് അടിച്ചമര്‍ത്തുകയായിരുന്നു.
ഇതേത്തുടര്‍ന്ന് രാജ്യത്തെ മറ്റു ഭാഗങ്ങളിലേക്കും പ്രക്ഷോഭം വ്യാപിച്ചിട്ടുണ്ട്. ചിറ്റഗോങ്, ഖുല്‍ന, രാജ്ശാഹി, സില്‍ഹട്ട് തുടങ്ങിയ പ്രധാന നഗരങ്ങളിലെല്ലാം വിദ്യാര്‍ഥികള്‍ ക്ലാസ് ബഹിഷ്‌കരിച്ച് പൊതുനിരത്തുകള്‍ ഉപരോധിച്ചു.