കണ്ണൂര്‍: കഞ്ചാവുപയോഗിക്കുന്നെന്ന് ആരോപിച്ച് തിലാന്നൂരിലെ റാസ് ക്ലബിന് നേരെ എസ്.ഡി.പി.ഐ അക്രമം. വാളും മാരകായുധവുമായി എത്തിയ മുഖംമൂടി സംഘം ക്ലബിനകത്തുള്ളവരെ ആക്രമിക്കാന്‍ ഒരുങ്ങുകയായിരുന്നു. പ്രവര്‍ത്തകര്‍ വാതില്‍ അടച്ചതിനാല്‍ സംഘം പുറത്തു നിന്ന് ക്ലബ് അടിച്ചു തകര്‍ത്തു.
ക്ലബ് തകര്‍ത്തതിനു പിന്നാലെ സമീപത്തുള്ള എസ്.ഡി.പി.ഐ ഓഫിസിന് നേരെയും അക്രമമുണ്ടായി. കഞ്ചാവ് ഉപയോഗിക്കുന്നുണ്ടെന്നാരോപിച്ച് എസ്.ഡി.പി.ഐ പ്രവര്‍ത്തകന്‍ ക്ലബ് അംഗത്തിനുനേരെ രണ്ടുദിവസം മുന്‍പ് കൈയേറ്റം ചെയ്തിരുന്നു.
ഈ സമയം സംഘടിച്ചെത്തിയ ക്ലബ് അംഗങ്ങള്‍ ചോദ്യം ചെയ്യാനെത്തിയ എസ്.ഡി.പി.ഐ പ്രവര്‍ത്തകനെ കൈകാര്യം ചെയ്തതാണ് സംഘര്‍ഷത്തിന് തുടക്കം. സംഭവത്തില്‍ ക്ലബ് അംഗത്തിന് പരുക്കേറ്റിരുന്നു.