നിലമ്പൂര്‍: സുന്നി യുവജന സംഘം ജില്ലാ കമ്മിറ്റിയുടെ ആഭിമുഖ്യത്തില്‍ സയ്യിദ് മുഹമ്മദലി ശിഹാബ് തങ്ങള്‍ ഉറൂസും, ആദര്‍ശ ബോധന സെമിനാറും 26ന് രാവിലെ ഒന്‍പത് മുതല്‍ ഒരുമണിവരെ നിലമ്പൂര്‍ ചന്തക്കുന്ന് മര്‍കസില്‍ നടക്കും. പുത്തനഴി മൊയ്തീന്‍ ഫൈസി പതാകയുയര്‍ത്തും.
പാണക്കാട് ബഷീറലി ശിഹാബ് തങ്ങള്‍ ഉദ്ഘാടനം ചെയ്യും. കെ.കെ.എസ് തങ്ങള്‍ വെട്ടിച്ചിറ, അബ്ദുസമദ് പൂക്കോട്ടൂര്‍, സലീം എടക്കര, ഷാഹുല്‍ ഹമീദ് മാസ്റ്റര്‍ മേല്‍മുറി തുടങ്ങിയവര്‍ സംബന്ധിക്കും. മികച്ച മാതൃകാ മുദരിസിനുള്ള പുരസ്‌കാരം സ്വലാഹുദ്ദീന്‍ ഫൈസി വെന്നിയൂരിന് ചടങ്ങില്‍ സമ്മാനിക്കും.
11ന് നടക്കുന്ന ആദര്‍ശ ബോധന സെമിനാര്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ഹംസ റഹ്മാനി കൊണ്ടിപറമ്പ്, പി.കുഞ്ഞാണി മുസ്‌ലിയാര്‍, അബ്ദുല്‍ ഹമീദ് ഫൈസി അമ്പലക്കടവ്, അമീര്‍ ഹുസൈന്‍ ഹുദവി, അബ്ദുറഹീം ചുഴലി തുടങ്ങിയവര്‍ സംബന്ധിക്കും. പരിപാടിയുടെ വിജയത്തിനായി സ്വാഗതസംഘം രൂപീകരണയോഗം ഇന്ന് വൈകിട്ട 4.30ന് ചന്തക്കുന്ന് മര്‍കസില്‍ ചേരും. മണ്ഡലത്തിലെ സമസ്തയുടേയും പോഷക ഘടകങ്ങളുടേയും മുഴുവന്‍ ഭാരവാഹികളും പങ്കെടുക്കണമെന്ന് നേതാക്കള്‍ അറിയിച്ചു.