മണ്ണഞ്ചേരി: കലവൂരില്‍ കാല്‍നടക്കാര്‍ക്കായി മേല്‍പാലം നിര്‍മിക്കുമെന്ന് ധനമന്ത്രി ഡോ.ടി.എം തോമസ് ഐസക്ക് പറഞ്ഞു.
 കേരള വ്യാപാരി വ്യവസായി സമിതി കലവൂര്‍ യൂണിറ്റ് സംഘടിപ്പിച്ച എസ്.എസ്.എല്‍.സി, പ്ലസ്ടു വിജയികളുടെ അനുമോദന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കലവൂരില്‍ അടിക്കടിയായി ഉണ്ടാകുന്ന വാഹനാപകടങ്ങള്‍ക്കും റോഡുമുറിച്ചുകടക്കാനുള്ള പ്രയാസത്തിനും മേല്‍പാലം പ്രയോജനം ചെയ്യുമെന്നും മന്ത്രി കൂട്ടിച്ചേര്‍ത്തു. മത്സ്യമാര്‍ക്കറ്റിലെ ശുചീകരണത്തിനും പ്രദേശത്തെ വെള്ളക്കെട്ടിനും പരിഹാരമെന്നോണം മാര്‍ക്കറ്റില്‍ നിന്നും എ.എസ് കനാലിലേക്ക് കാനയും നിര്‍മിക്കുമെന്നും തോമസ് ഐസക്ക് പറഞ്ഞു.
സമിതിയുടെ യൂണിറ്റ് പ്രസിഡന്റ് വി.വേണു അധ്യക്ഷത വഹിച്ചു അഡ്വ.ഷീനസനല്‍കുമാര്‍ വിദ്യാര്‍ഥികളെ അനുമോദിച്ചു.