ഹര്‍ത്താലില്‍ നടക്കുന്നത് വ്യക്തമായ മനുഷ്യാവകാശ ലംഘനങ്ങളാണ്.
ഇന്നത്തെ രീതിയിലുള്ള ഹര്‍ത്താലുകള്‍ ഒഴിവാക്കുകയാണ് നല്ല മാര്‍ഗം. പ്രതിഷേധിക്കാന്‍ മറ്റു മാര്‍ഗങ്ങള്‍ കണ്ടെത്തണം. അനാഥ ഹര്‍ത്താലുകള്‍ രാജ്യത്ത് അരാജകത്വമുണ്ടാക്കും. പൊലിസുകാരെ ഊര്‍ജസ്വലരാക്കി ഇത്തരം സാഹചര്യങ്ങളെ നേരിടാന്‍ പര്യാപ്തമാക്കണം. ഹര്‍ത്താലുമായി സഹകരിക്കാത്തവരെ ഒറ്റപ്പെടുത്തുന്നവരുണ്ട്.. അക്രമികളെ സംരക്ഷിക്കുന്നവരെയും പ്രോത്സാഹിപ്പിക്കുന്നവരെയും നിയമത്തിന് മുന്നില്‍ കൊണ്ട് വരണം. ഹര്‍ത്താലുകള്‍ ആരോടുള്ള പ്രതിഷേധ മാര്‍ഗമാണ്? സാധാരണക്കാരന്റെ ജീവനും ദൈനംദിന പ്രവര്‍ത്തനങ്ങള്‍ക്കും തടസം നില്‍ക്കുന്ന ഇത്തരം സമരമുറകള്‍ ഇനിയും വേണോ? ഹര്‍ത്താല്‍ വേണോ വേണ്ടയോ എന്ന് ഒരഭിപ്രായ വോട്ടെടുപ്പ് നടത്തണം.
ഹര്‍ത്താല്‍ പ്രഖ്യാപിക്കപ്പെടുമ്പോഴേക്ക് പരസ്പരം ആശംസകള്‍ കൈമാറി മടിയന്‍മാരായിരിക്കാതെ ഇത്തരം ദുരവസ്ഥകള്‍ മാറ്റിയെടുക്കാന്‍ സമൂഹവും മാധ്യമങ്ങളും മുന്നോട്ട് വരണം. സോഷ്യല്‍ മീഡിയകള്‍ അതിനുപയോഗിക്കണം.