തളിപ്പറമ്പ്:നഗരസൗന്ദര്യവല്‍ക്കരണത്തിനും സുരക്ഷക്കുമായി റോഡരികില്‍ സ്ഥാപിച്ച പരസ്യ ബോര്‍ഡുകളുടെ അവശിഷ്ടങ്ങള്‍ അപകടക്കെണിയാവുന്നു. തളിപ്പറമ്പ് ബസ് സ്റ്റാന്‍ഡിനു മുന്‍വശത്ത് റോഡിനോട് ചേര്‍ന്ന നടപ്പാതയിലാണ് ഈ കെണി കാല്‍ നടയാത്രക്കാരെ കാത്തിരിക്കുന്നത്. കാല്‍നടയാത്രക്കാര്‍ക്ക് പോകാനുളള നടപ്പാതയില്‍ സുരക്ഷക്കുവേണ്ടി സ്ഥാപിച്ച പരസ്യ ബോര്‍ഡുകള്‍ വാഹനമിടിച്ചും കാലപ്പഴക്കത്താല്‍ ദ്രവിച്ചു വീഴുകയും, ഇവയുടെ അവശിഷ്ടങ്ങള്‍ കാല്‍ നടയാത്രക്കാര്‍ക്ക് ഭീഷണിയായി മാറുകയുമാണ്. ബോര്‍ഡുകള്‍ നീക്കം ചെയ്തപ്പോള്‍ അവശേഷിച്ച കുറ്റികളില്‍ കാല്‍ തട്ടി അപകടം സംഭവിക്കുന്നതുംഇവിടെ പതിവാണ്.