തിരുവനന്തപുരം: കേരളത്തില്‍ അങ്ങോളമിങ്ങോളമുള്ള ചെറുതും വലുതുമായ ചരിത്ര സ്മാരകങ്ങളെക്കുറിച്ച് സംസ്ഥാന സാക്ഷരതാ മിഷന്‍ സമഗ്രമായ സര്‍വേ നടത്തുന്നു. സാരക്ഷരതാ മിഷന്റെ തുല്യതാ കോഴ്‌സുകളില്‍ പഠിക്കുന്ന എഴുപതിനായിരത്തോളം പേരെ പങ്കാളികളാക്കിയാണ് ഈ സര്‍വേ നടത്താന്‍ സാക്ഷരതാ മിഷന്‍ ലക്ഷ്യമിടുന്നത്.
സംസ്ഥാന പുരാവസ്തു വകുപ്പിന്റെ സാഹയത്തോടെ നടത്തുന്ന ഈ സര്‍വേയില്‍ ചെറുതും വലുതുമായ എല്ലാ ചരിത്ര സ്മാരകങ്ങളും കൈയെഴുത്തു പ്രതികളുമെല്ലാം രേഖപ്പെടുത്തും. മെയ് രണ്ടിന് ആരംഭിക്കുന്ന സര്‍വേ പ്രവര്‍ത്തനങ്ങള്‍ 20ഓടെ പൂര്‍ത്തീകരിക്കാനാണ് ലക്ഷ്യമിടുന്നത്. സര്‍വേയിലൂടെ ശേഖരിക്കുന്ന വിവരങ്ങള്‍ സ്റ്റഡി സെന്ററുകള്‍ കേന്ദ്രീകരിച്ച് ക്രോഡീകരിക്കും. അതിനുശേഷം ജൂണ്‍ പകുതിയോടെ സര്‍വേ റിപ്പോര്‍ട്ട് പുരാരേഖാ വകുപ്പിന് കൈമാറുമെന്നാണ് കരുതുന്നത്.
സാക്ഷരതാ മിഷന്റെ തുല്യതാ കോഴ്‌സുകളില്‍ പഠിക്കുന്നവര്‍ക്കു പുറമേ സാക്ഷരതാ മിഷന്റെ പരിപാടിയില്‍ ഭാഗമായിട്ടുള്ള എല്ലാവരേയും സര്‍വേയുടെ വിജയത്തിനുവേണ്ടി പങ്കാളികളാക്കുന്നുണ്ട്.