HOME
DETAILS

ജില്ലയിലെ പൊലിസ് സ്‌റ്റേഷന്‍ ലോക്കപ്പുകളില്‍ കാമറ സ്ഥാപിച്ചു

  
backup
April 20 2018 | 04:04 AM

%e0%b4%9c%e0%b4%bf%e0%b4%b2%e0%b5%8d%e0%b4%b2%e0%b4%af%e0%b4%bf%e0%b4%b2%e0%b5%86-%e0%b4%aa%e0%b5%8a%e0%b4%b2%e0%b4%bf%e0%b4%b8%e0%b5%8d-%e0%b4%b8%e0%b5%8d%e2%80%8c%e0%b4%b1%e0%b5%8d%e0%b4%b1%e0%b5%87

 

കട്ടപ്പന: ജില്ലയിലെ 29 പൊലിസ് സ്‌റ്റേഷനുകളിലെയും ലോക്കപ്പുകളില്‍ കാമറ സ്ഥാപിച്ചു. സംസ്ഥാന പൊലിസ് മേധാവിയുടെ നിര്‍ദേശത്തെ തുടര്‍ന്നാണ് അടിയന്തര നടപടി. ഇനി പൊലിസ് മൊബൈല്‍ പട്രോളിങ് വാഹനങ്ങളിലും കാമറകളെത്തും.
ട്രാഫിക് ഉദ്യോഗസ്ഥര്‍ക്കുള്ള ബോഡി കാമറകളും ഉടന്‍ പ്രവര്‍ത്തന സജ്ജമാവും. ബോഡി കാമറകളുള്‍പ്പെടെ എത്തുന്നതോടെ കുറ്റകൃത്യങ്ങള്‍ തടയുന്നതിലും കുറ്റവാളികളെ കണ്ടെത്താനും കൂടുതല്‍ കാര്യക്ഷമത കൈവരിക്കാന്‍ കഴിയുമെന്നാണ് പ്രതീക്ഷ.
പൊലിസിന്റെ സംസാരവും ഇടപെടലുകളും കാമറയില്‍ റെക്കോര്‍ഡ് ചെയ്യുമെന്ന് ജില്ലാ പൊലിസ് മേധാവി കെ.ബി.വേണുഗോപാല്‍ പറഞ്ഞു. മര്യാദ ശീലമില്ലാത്തവരെ മര്യാദ ശീലിപ്പിക്കാനും ഇരകള്‍ക്കു നീതി ഉറപ്പാക്കാനും കാമറ സഹായകമാവും. രണ്ടാം ഘട്ടത്തിലാണ് ജില്ലയില്‍ ബോഡി കാമറകളും അനുബന്ധ സംവിധാനങ്ങളും എത്തുക. ലോക്കപ്പുകളില്‍ സ്ഥാപിക്കുന്ന കാമറകളിലെ ദൃശ്യങ്ങള്‍ ആറു ദിവസം കൂടുമ്പോള്‍ സിഡിയിലും പെന്‍ ഡ്രൈവുകളിലുമാക്കി പൊലിസ് സ്‌റ്റേഷനില്‍ സൂക്ഷിക്കണം. വരാപ്പുഴയില്‍ പോലിസ് കസ്റ്റഡിയിലെടുത്ത ശ്രീജിത്ത് മര്‍ദനമേറ്റു മരിച്ചതിനെ തുടര്‍ന്നാണ് കാമറ സ്ഥാപിക്കാന്‍ അടിയന്തര തീരുമാനമുണ്ടായത്.
കാമറ പ്രവര്‍ത്തനം സുതാര്യമാണോയെന്ന് പരിശോധിക്കാന്‍ സ്‌പെഷല്‍ ബ്രാഞ്ചിനും നിര്‍ദേശമുണ്ട്. ലോക്കപ്പ് അടക്കം ചിത്രീകരിക്കാന്‍ കഴിയുന്ന കാമറകളാണ് പോലിസ് സ്‌റ്റേഷനുകളില്‍ സ്ഥാപിച്ചത്.
കാമറ സ്ഥാപിച്ചതിനുള്ള ചെലവ് പോലിസ് ആസ്ഥാനത്തുനിന്നു നല്‍കും. പോലിസ് സ്‌റ്റേഷനിലെ കംപ്യൂട്ടറുമായി ബന്ധിപ്പിക്കുന്ന കാമറയിലെ ദൃശ്യങ്ങള്‍ ജില്ലാ പോലിസ് ആസ്ഥാനത്തു പരിശോധിക്കാവുന്ന തരത്തിലുള്ള സംവിധാനം ഒരുക്കാനും ആഭ്യന്തര വകുപ്പിനു പദ്ധതിയുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."