വിൻഫാസ്റ്റ് , കക്ഷി വിയറ്റ്നാം സ്വദേശിയാണ്. ഈ മാസം ഇന്ത്യയിലേക്ക് വരും എന്നാണ് പുറത്തു വരുന്ന റിപ്പോർട്ടുകൾ. എന്തായാലും വെറുതെ കുറച്ച് സി ബി യൂ യൂണിറ്റുകൾ ഇറക്കി ഇന്ത്യൻ മാർക്കറ്റിലേക്ക് വരുകയല്ല വിൻഫാസ്റ്റ് ചെയ്യുന്നത്. മറിച്ച് സ്വന്തമായി പ്രൊഡക്ഷൻ യൂണിറ്റുണ്ടാക്കി ഇന്ത്യയിൽ ശക്തമായ സാന്നിധ്യം അറിയിക്കാൻ തന്നെയാണ് ഈ വിയറ്റ്നമീസ് കമ്പനിയുടെ ലക്ഷ്യം. അതിന്റെ ഭാഗമായി തമിഴ്നാട്ടിലെ തൂത്തുകുടിയിൽ അവരുടെ ആദ്യ മാനുഫാക്ച്ചറിം​ഗ് യൂണിറ്റിന്റെ നിർമാണം വേഗത്തിൽ നടക്കുന്നു. ഇലക്ട്രിക് കമ്പനി ആയത് കൊണ്ട് തന്നെ ഇവരുടെ മത്സരം ടെസ്ലയും മഹീന്ദ്രയും ടാറ്റയും ബി വൈ ഡി യും അടങ്ങുന്ന വമ്പന്മാരോടായിരിക്കും. 

ഗ്ലോബലി വിൻഫാസ്റ്റിന് അഞ്ച് മോഡലുകളാണ് പ്രധാനമായും ഉള്ളത്. എന്നാൽ ആദ്യം രണ്ടോ മൂന്നോ മോഡലുകൾ മാത്രമായിരിക്കും ഇന്ത്യയിൽ അവിതരിപ്പിക്കുക എന്നാണ് റിപ്പോർട്ടുകൾ. എന്നാൽ വരും കാലങ്ങളിൽ കമ്പനി തങ്ങളുടെ എല്ലാ മോഡലുകളും ഇന്ത്യയിൽ അവതരിപ്പിക്കാൻ സാധ്യതയുണ്ട്. കാരണം ഡീലർഷിപ്പുകളും സർവീസ് സെന്ററുകളും ചാർജിങ് സ്റ്റേഷനുകളും അടങ്ങിയ ഒരു ഇലക്ട്രിക് ഇകോ സിസ്റ്റം ആണ് വിൻഫാസ്റ്റ് ഇന്ത്യയിൽ പ്ലാൻ ചെയ്യുന്നത്.

 

 

വീ എഫ് 7 എന്ന മിഡ് സൈസ് എസ് യു വി ആയിരിക്കും കമ്പനിയുടെ ഇന്ത്യയിലെ ആദ്യ മോഡൽ. അതിനോടപ്പം വിൻഫാസ്റ്റ് വീഎഫ് 6 എന്ന മോഡലിന്റെ ലോഞ്ചിങും പ്രതീക്ഷിക്കാം. രണ്ടു മോഡലുകളും 2025 ഭാരത് മൊബൈലിറ്റി ഗ്ലോബൽ ഓട്ടോ എക്സ്പോയിൽ പ്രദർശിപ്പിച്ചിരുന്നു. ആദ്യ മോഡൽ ഒരു പക്ഷെ ഏതെങ്കിലും ഫെസ്റ്റിവൽ സീസണിൽ പുറത്തിറക്കും എന്നാണ് റിപ്പോർട്ടുകൾ 

വീ എഫ് 7, വീ എഫ് 6 കൂടുതലറിയാം

വീ എഫ് 7 ഈ മോഡൽ ആയിരിക്കും ഇന്ത്യയിൽ ആദ്യം ലഭ്യമാകുന്ന വിൻഫാസ്റ്റ് മോഡൽ. ഇത് ഒരു മിഡ് സൈസ് ഇലക്ട്രിക് എസ് യൂ വി ആയിട്ടാണ് വിൻഫാസ്സ്റ് പുറത്തിറക്കുന്നത്. ഹ്യുണ്ടായി അയോണിക് 5 ,കിയ ഇ വി6 എന്നിവ  ആയിരിക്കും ഇന്ത്യയിലെ ഈ മോഡലിന്റെ പ്രധാന എതിരാളികൾ. 

ഒരു 75.3 kwh ബാറ്ററിയിൽ 450 കിലോമീറ്റർ  റേഞ്ച് ആണ് വാഹനത്തിന് കമ്പനി അവകാശപ്പെടുന്നത്. ഇകോ, പ്ലസ് എന്നീ രണ്ട് വേർഷനിൽ വാഹനം ലഭ്യമാണ്.75.3 kwh ബാറ്ററയിൽ 450 കിലോമീറ്റർ റേഞ്ച് ആണ് കമ്പനി അവകാശപ്പെടുന്നത്. ഇകോ, പ്ലസ് എന്നീ രണ്ട് വേർഷനുകളിൽ വാഹനം ലഭ്യമാണ്. ഒരെ ബാറ്ററി പങ്കിടുന്ന ഇവ തമ്മിൽ പവറിൽ  കാര്യമായ  മാറ്റങ്ങളുണ്ട്.  ഇകോ വേർഷൻ 204 ഹോഴ്സ് പവറും 310nm  ടോർക്കും ആണ് നൽകുന്നതെങ്കിൽ ഇതെ ബാറ്ററിയിൽ 354 ഹോഴ്സ് പവറും 500nm  ടോർക്കും ആണ് പ്ലസ് വേർഷൻ വീ എഫ് 7 വാഗ്ദാനം  ചെയ്യുന്നത്. 50 ലക്ഷം ആണ് പ്രതീക്ഷിക്കുന്ന വില.

 

 

ഇനി വീ എഫ് 6 ലേക്ക്  വേരികയാണെങ്കിൽ 59.6 kwh ബാറ്ററയിൽ 380-390 റേഞ്ച് ആണ് കമ്പനി വാഗ്ദാനം ചെയ്യുന്നത്. ഇതിലും ഇകോ, പ്ലസ് വേർഷനുകൾ കമ്പനി അവതരിപ്പിക്കുന്നുണ്ട്.ഇത് 174hpയും 250nm ടോർകും ഇകോ മോഡലിന്  വരുമ്പോൾ 201hpയും 310nmടോർക്കും ആണ് പ്ലസ് വേർഷന് ലഭിക്കുക. സിംഗിൾ മോട്ടോർ ആണ് വാഹനത്തിന് കമ്പനി നൽകയിരിക്കുന്നത്. 25   ലക്ഷം ആയിരിക്കും എക്സ് ഷോറൂം വില.
എന്തായാലും ഒരു പുതിയ ഇലക്ട്രിക് കാർ വിപ്ലവം വിൻഫാസ്റ്റ് കൊണ്ട് വരുമോ എന്ന് കാത്തിരുന്ന് കാണാം.

( തയാറാക്കിയത്: സാലിഹ് എംപി )

Vietnamese automaker VinFast is set to enter the electric vehicle market with the launch of its new models next month, marking its debut in the competitive EV sector.