പാറക്കടവ്: കഴിഞ്ഞ ദിവസം അന്തരിച്ച നാടിന്റെ നിശബ്ദ സേവകനായ ആയാടത്തില്‍ അബ്ദുല്ലയുടെ വിയോഗം നാടിന് ദുഃഖമായി. നാട്ടിലെ പൊതു കാര്യങ്ങളില്‍ ഏല്‍പ്പിച്ചതും അല്ലാത്തതുമായ സേവനങ്ങള്‍ ആരോടും പരിഭവമില്ലാതെ ചെയ്തു തീര്‍ക്കാന്‍ അബ്ദുല്ലക്ക മുന്‍പിലുണ്ടാകുമായിരുന്നു.ന
സമസ്തയുടേയും മുസ്‌ലിം ലീഗിന്റേയും സജീവ പ്രവര്‍ത്തകനായിരുന്ന ഇദ്ദേഹം. ദീര്‍ഘകാലം ചന്ദ്രിക ദിനപത്രത്തിന്റെ ഏജന്റായിരുന്നു.
മുസ്‌ലിം ലീഗ് ജില്ലാ വൈസ് പ്രസിഡന്റ് അഹമ്മദ് പുന്നക്കല്‍, സൂപ്പി നരിക്കാട്ടേരി, ഗ്രാമപഞ്ചായത്ത് പ്രസിഡന്റ് തൊടുവയില്‍ മഹമൂദ്, സി.എച്ച് ഹമീദ് വസതിയില്‍ എത്തി. പാറക്കടവില്‍ സംഘടിപ്പിച്ച അനുശോചന യോഗത്തില്‍ മഹല്ല് സെക്രട്ടറി അനുസ്മരണ പ്രഭാഷണം നടത്തി. പഞ്ചായത്ത് മുസ്‌ലിം ലീഗ് സെക്രട്ടറി സി.എച്ച് ഹമീദ്, വി.പി ഉസ്മാന്‍ ഹാജി, ഷഫീഖ് പളളിക്കല്‍, കെ.വി ഇസ്മായില്‍, ബിനു സംസാരിച്ചു.