കൊല്ലം: ചെങ്ങന്നൂരില്‍ ഇടതുമുന്നണിയെ ജയിപ്പിക്കാനുള്ള വോട്ട് കേരള കോണ്‍ഗ്രസിനുണ്ടെങ്കില്‍ അത് മാണി തെളിയിക്കട്ടെയെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. ഇടതുമുന്നണിയില്‍ ഏതെങ്കിലും ഒരു കക്ഷിയെ എടുക്കുന്നതിനെക്കുറിച്ച് ചര്‍ച്ച ചെയ്തിട്ടില്ല. അതിന്റെ ആവശ്യവുമില്ല. തന്റെ ഇന്നലത്തെ പ്രസ്താവനയ്‌ക്കെതിരെ കോടിയേരി എന്തെങ്കിലും പറഞ്ഞിട്ടുണ്ടെങ്കില്‍ അതിന്റെ നിജസ്ഥിതി അറിഞ്ഞിട്ട് പ്രതികരിക്കാമെന്നും കാനം പറഞ്ഞു. കോടിയേരിയുമായി സംസാരിക്കാന്‍ മാധ്യമങ്ങളുടെ ആവശ്യമില്ലെന്നും അദ്ദേഹം പറഞ്ഞു.