മലപ്പുറം: ഇന്ത്യയെ ഇനിയും വിഭജിക്കരുത് എന്ന പ്രമേയത്തില്‍ സംഘ് പരിവാര്‍ ഭീകരതക്കെതിരേ എസ്.കെ.എസ്.എസ്.എഫ് മലപ്പുറത്ത് രാജ്യരക്ഷാസദസ് നടത്തും. മൂന്നിനു വൈകിട്ട് നാലിന് മലപ്പുറം വാരിയംകുന്നത്ത് ടൗണ്‍ഹാള്‍ പരിസരത്താണ് സംഗമം. പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്യും. സാമൂഹ്യ, രാഷ്ട്രീയ, സാംസ്‌കാരിക രംഗത്തെ വ്യക്തിത്വങ്ങള്‍ പ്രതിനിധികളായി പങ്കെടുക്കും.
ജില്ലാ കാംപസ് പ്രതിനിധി സംഗമം ഒന്‍പതിന് മലപ്പുറത്ത് നടക്കും. എസ്.എസ്.എല്‍.സി, ഹയര്‍സെക്കന്‍ഡറി ഉന്നത വിജയികള്‍ക്ക് യൂനിറ്റ് തലത്തില്‍ ട്രെന്‍ഡ് കരിയര്‍ മോട്ടിവേഷനും അനുമോദന സംഗമവും നടത്തും. സുന്നീ മഹലില്‍ ചേര്‍ന്ന മലപ്പുറം ഈസ്റ്റ് ജില്ലാ സെക്രട്ടറിയേറ്റ് യോഗം പരിപാടികള്‍ക്ക് രൂപം നല്‍കി. പാണക്കാട് സയ്യിദ് ഹാശിറലി ശിഹാബ് തങ്ങള്‍ അധ്യക്ഷനായി.
ശമീര്‍ ഫൈസി ഒടമല, സയ്യിദ് നിയാസലി ശിഹാബ് തങ്ങള്‍, ഉമറുല്‍ഫാറൂഖ് ഫൈസി മണിമൂളി, ശമീര്‍ ഫൈസി പുത്തനങ്ങാടി, സി.ടി ജലീല്‍ പട്ടര്‍കുളം, ഉമര്‍ ദാരിമി പുളിയക്കോട്, ഉമറുല്‍ ഫാറൂഖ് കരിപ്പൂര്‍, എ.പി.എ റഷീദ് വാഫി, സ്വദഖത്തുല്ലാഹ് ചെറുമുറ്റം, ശുക്കൂര്‍ വെട്ടത്തൂര്‍, ടി.പി നൂറുദ്ദീന്‍ യമാനി, അസ്‌കര്‍ ദാരിമി തുവ്വൂര്‍, സയ്യിദ് മുഹമ്മദ് കോയതങ്ങള്‍ കൊടശ്ശേരി, ടി.കെ സലീം യമാനി, യൂനുസ് ഫൈസി വെട്ടുപാറ, സ്വാദിഖലി ഫൈസി അരിമ്പ്ര, എ.പി സുബൈര്‍ മുഹ്‌സിന്‍, പി.കെ ശംസാദ് സലീം, മുഹമ്മദലി ഫൈസിപൂളമണ്ണ, ഇസ്മാഈല്‍ അരിമ്പ്ര ചര്‍ച്ചയില്‍ പങ്കെടുത്തു.