കൊല്ലം: അശാന്തിയും അസമാധാനവും നിറഞ്ഞ നവലോകത്തില്‍ പ്രപഞ്ച സൃഷ്ടാവിലുള്ള വിശ്വാസത്തിലും സ്മരണയിലും മാത്രമേ സൈ്വരതയും സമാധാനവും ശാന്തിയും കൈവരിക്കാന്‍ സാധിക്കുകയുള്ളുവെന്ന് കേരള മുസ്‌ലിം ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി പറഞ്ഞു. പോരേടത്ത് മന്നാനിയ്യാ അക്കാഡമിയില്‍ നടന്ന വാര്‍ഷിക പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
യോഗത്തില്‍ എസ്.എം റാഫി മന്നാനി അധ്യക്ഷനായി. ശൈഖുല്‍ ഹദീസ് ബീരാന്‍ കുട്ടി ഹസ്രത്ത്, പാവല്ല സൈദ് മുഹമ്മദ് മൗലവി, ഷഹീറുദ്ദീന്‍ മന്നാനി, പാങ്ങോട് ഖമറുദ്ദീന്‍ മൗലവി, നവാസുദ്ദീന്‍ മന്നാനി കുടവൂര്‍, നാസിമുദ്ദീന്‍ ഹസനി, പള്ളിക്കല്‍ ഷറഫുദ്ദീന്‍ മൗലവി, പനവൂര്‍ നവാസ് മന്നാനി സംസാരിച്ചു.