കല്‍പ്പറ്റ: വനം വകുപ്പിന്റെ കോഴിക്കോട് ഉത്തര മേഖല സാമൂഹ്യവനവല്‍ക്കരണ വിഭാഗം ഈ സാമ്പത്തിക വര്‍ഷം മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ തിരഞ്ഞെടുക്കപ്പെടുന്ന പ്രകൃതി പഠന കേന്ദ്രങ്ങളില്‍ സംഘടിപ്പിക്കുന്ന ഏകദിന പ്രകൃതി പഠന ക്യാംപില്‍ പങ്കെടുക്കാന്‍ സര്‍ക്കാര്‍ അംഗീക്യത വിദ്യാലയങ്ങളില്‍ നിന്നും അപേക്ഷ ക്ഷണിച്ചു. വിദ്യാര്‍ഥികളും അധ്യാപകരും ഉള്‍പ്പെടെ പരമാവധി 40 പേര്‍ അടങ്ങുന്ന പഠന സംഘങ്ങള്‍ക്കാണ് ക്യാമ്പ് അനുവദിക്കുക. പങ്കെടുക്കുന്ന വിദ്യാലയങ്ങള്‍ ക്യാമ്പിലേക്കും തിരിച്ചും ഉള്ള യാത്രാച്ചിലവ് സ്വയം വഹിക്കണം.
ഭക്ഷണം തിരഞ്ഞെടുക്കപ്പെടുന്ന പ്രകൃതി പഠന കേന്ദ്രങ്ങളില്‍ നല്‍കും. വിദ്യാര്‍ഥികളായ പഠനാംഗങ്ങള്‍ക്ക് സര്‍ട്ടിഫിക്കറ്റും വിതരണം ചെയ്യും. ഏകദിന പ്രകൃതി പഠന ക്യാമ്പ് അനുവദിക്കുന്നതില്‍ സര്‍ക്കാര്‍എയ്ഡഡ് വിദ്യാലയങ്ങള്‍, ഫോറസ്ട്രിക്ലബ്ബ്, ഇക്കോക്ലബ്ബ്, നേച്ചര്‍ക്ലബ്ബ്, ഇ.സി.സി, എന്‍.ജി.സി, എന്‍.സി.സി, എന്‍.എസ്.എസ്, എസ്.പി.സി, ഭൂമിത്രസേന, സ്‌കൗട്ട്‌സ് ആന്റ് ഗൈഡ്‌സ്, ഊര്‍ജ ക്ലബ്ബ്, ആരോഗ്യക്ലബ്ബ് മുതലായ വിഭാഗങ്ങള്‍ക്ക് മുന്‍ഗണന.
നിര്‍ദ്ദിഷ്ട ഫോമില്‍ തയ്യാറാക്കിയ അപേക്ഷ 'അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍, സോഷ്യല്‍ ഫോറസ്ട്രി എക്സ്റ്റന്‍ഷന്‍ ഡിവിഷന്‍, വനശ്രീ, മാത്തോട്ടം, പോസ്റ്റ് അരക്കിണര്‍, കോഴിക്കോട്-673028 എന്ന വിലാസത്തില്‍ ജൂണ്‍ 30നകം ലഭിക്കണം. ഫോമിന്റെ മാതൃകയും നിബന്ധനകളും ംംം.ളീൃലേെ.സലൃമഹമ.ഴീ്.ശിളെസീ്വവശസീറല ല്‍ ലഭിക്കും. ഫോണ്‍: 0495 2414283, 8547603870, 8547603871.