പേരൂര്‍ക്കട: വട്ടിയൂര്‍ക്കാവില്‍ ദിവസങ്ങള്‍ക്കു മുന്‍പ് നടന്ന സംഘര്‍ഷത്തിലെ നാലാം പ്രതി പിടിയില്‍. വട്ടിയൂര്‍ക്കാവ് മുളവുകാട് വീട്ടില്‍ മനു (24) ആണ് പിടിയിലായത്. വാഹനങ്ങള്‍ പരസ്പരം ഉരസിയതുമായി ബന്ധപ്പെട്ടുണ്ടായ തര്‍ക്കമാണ് സംഘര്‍ഷത്തില്‍ കലാശിച്ചത്. ഈയ്യക്കുഴി സ്വദേശി വിനീതി (27) ന്റെ നേതൃത്വത്തിലുള്ള സംഘവും ഷിബുവിന്റെ നേതൃത്വത്തിലുള്ള സംഘവുമാണ് ഏറ്റുമുട്ടിയത്. സംഭവത്തില്‍ നിരവധി പേര്‍ക്കു പരുക്കേല്‍ക്കുകയും നിരവധി വാഹനങ്ങള്‍ക്കു കേടുപാടുകളുണ്ടാവുകയും ചെയ്തിരുന്നു. നിരവധി പേര്‍ക്കെതിരേ വട്ടിയൂര്‍ക്കാവ് പൊലിസ് കേസെടുത്തിരുന്നു. രണ്ടു പേര്‍ നേരത്ത പിടിയിലായി. ഇനി പിടിയിലാകാനുള്ളവര്‍ക്കായി അന്വേഷണം ഊര്‍ജിതമാക്കിയതായി വട്ടിയൂര്‍ക്കാവ് പൊലിസ് അറിയിച്ചു.