കണ്ണൂര്‍: അയോധ്യ കേസില്‍ സുപ്രിം കോടതി വിധി ഏകപക്ഷീയമെന്ന് സി പി എം പോളിറ്റ് ബ്യൂറോ അംഗം എസ്.രാമചന്ദ്രന്‍ പിള്ള. ഉടമസ്ഥാവകാശ തര്‍ക്കത്തില്‍ വിശ്വാസത്തിന്റെ അടിസ്ഥാനത്തില്‍ തീര്‍പ്പ് കല്‍പ്പിക്കുന്നത് ശരിയായ രീതിയല്ലെന്ന് അദ്ദേഹം ചൂണ്ടിക്കാട്ടി.
വികാരങ്ങളെയും വിശ്വാസങ്ങളെയും അടിസ്ഥാനമാക്കി കോടതി വിധികള്‍ ഉണ്ടാകുന്നത് അപകടകരമായ സ്ഥിതിവിശേഷമാണെന്നും അദ്ദേഹം കൂട്ടിച്ചേര്‍ത്തു.