തിരുവനന്തപുരം: പൗരത്വ നിയമ ഭേദഗതിക്കെതിരെ സമരം ചെയ്യുന്നവരെ അടിച്ചമര്‍ത്തുന്ന യോഗി സര്‍ക്കാര്‍ നടപടിക്കെതിരെ പ്രതിപക്ഷ ഉപനേതാവ്‌ ദേശീയ കമ്മീഷന് പരാതി അയച്ചു. പ്രതിപക്ഷ ഉപനേതാവ്‌ ഡോ. എം.കെ മുനീര്‍ ഫേസ്ബുക്ക് വഴി ഇക്കാര്യം പങ്കുവെച്ചിട്ടുണ്ട്.

സമാധാനപരമായി പ്രതിഷേധിക്കുന്നവര്‍ക്കു നേരെ യോഗി പൊലിസ് നിറയൊഴിക്കുകയായിരുന്നുവെന്ന് പരാതിയില്‍ പറയുന്നു. ജനങ്ങളുടെ പ്രതിഷേധിക്കാനുള്ള അവകാശം നിഷേധിക്കുകയാണ്. നിരവധിയാളുകള്‍ കൊല്ലപ്പെട്ടു. ജനങ്ങളോട് പാകിസ്താനിലേക്ക് പോവാന്‍ പൊലിസ് തന്നെ ആവശ്യപ്പെടുന്ന അവസ്ഥയാണ് യു.പിയിലെന്നും പരാതിയില്‍ ചൂണ്ടിക്കാട്ടുന്നു.