അലനല്ലൂര്‍: ഹര്‍ത്താല്‍ ദിനത്തില്‍ താലൂക്കാശുപത്രിയിലെ രോഗികള്‍ക്കും കൂടെയുള്ളവര്‍ക്കും ജീവനക്കാര്‍ക്കും ഭക്ഷണം നല്‍കി സേവ് ജനകീയ കൂട്ടായ്മയുടെ പ്രവര്‍ത്തനങ്ങള്‍ ശ്രദ്ധേയമായി. ഹര്‍ത്താല്‍ മൂലം ഭക്ഷണശാലകള്‍ അടഞ്ഞു കിടക്കുന്നതിനാല്‍ ഭക്ഷണം കിട്ടാന്‍ വിഷമിച്ച ആശുപത്രിയിലുള്ളവര്‍ക്ക് ഇത് ഏറെ ആശ്വാസകരമായി.
രോഗികളും ബന്ധുക്കളും ജീവനക്കാരുമായി നൂറ്റി ഇരുപതോളം പേര്‍ക്കാണ് കഞ്ഞി, ഉപ്പേരി, അച്ചാര്‍ എന്നിവ ഉള്‍പ്പെട്ട വിഭവസമൃദ്ധമായ ഭക്ഷണം നല്‍കിയത്. വര്‍ഷങ്ങളായി എല്ലാ ബുധനാഴ്ചകളിലും സേവ് പ്രവര്‍ത്തകരുടെ നേതൃത്വത്തില്‍ താലൂക്കാശുപത്രിയില്‍ ഉച്ചഭക്ഷണം നല്‍കി വരുന്നുണ്ട്.
സേവ് പ്രവര്‍ത്തകരായ കാജാ ഹുസൈന്‍, അസ്്‌ലം അച്ചു, കുഞ്ഞുമുഹമ്മദ്, ജസ്സി, ദീപിക, ഫസല്‍, സബീല്‍, നാസര്‍ മുണ്ടക്കണ്ണി നേതൃത്വം നല്‍കി.