മലപ്പുറം: ലോക്‌സഭാ തെരഞ്ഞെടുപ്പിന്റെ മുന്നൊരുക്കങ്ങള്‍ വിലയിരുത്താനായി കേരളത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി മുകുള്‍ വാസ്‌നിക് നാളെ മലപ്പുറത്തെത്തും. മലപ്പുറം മുനിസിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ ചേരുന്ന മണ്ഡലം പ്രസിഡന്റുമാര്‍, ബ്ലോക്ക് പ്രസിഡന്റുമാര്‍, കെ.പി.സി.സി അംഗങ്ങള്‍, ഡി.സി.സി ഭാരവാഹികള്‍, പോഷക സംഘടനകളുടെ ജില്ലാ പ്രസിഡന്റുമാര്‍ തുടങ്ങിയവര്‍ പങ്കെടുക്കുന്ന നേതൃയോഗം മുകുള്‍ വാസ്‌നിക് ഉദ്ഘാടനം ചെയ്യും.
രാജീവ് ഗാന്ധിയുടെ സ്വപ്‌ന പദ്ധതിയായ ശക്തി പ്രൊജക്ടിന്റെ പുരോഗതി മുകുള്‍ വാസ്‌നിക് വിലയിരുത്തുമെന്ന് ഡി.സി.സി പ്രസിഡന്റ് അഡ്വ. വി വി പ്രകാശ് അറിയിച്ചു.