കോഴിക്കോട്:പൗരത്വ നിയമ ഭേദഗതിക്കെതിരേ ഭരണഘടനാ സംരക്ഷണ സമിതി നടത്തിയ റാലിയില്‍ പ്രതിഷേധമിരമ്പി.
കേന്ദ്രം നിയമവുമായി മുന്നോട്ട് പോവുകയാണെങ്കില്‍ ഒരു ഇഞ്ച് പോലും പിന്നോട്ട് പോവാന്‍ കേരളം തയ്യാറല്ലെന്ന് ഉദ്ഘാടനം നിര്‍വഹിച്ചുകൊണ്ട് മുഖ്യമന്ത്രി പിണറായി വിജയന്‍ പറഞ്ഞു. സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ ചടങ്ങില്‍ അധ്യക്ഷത വഹിച്ചു.പൗരത്വ നിയമ ഭേദഗതിക്കെതിരേ നിയമസഭയില്‍ പ്രമേയം പാസാക്കാന്‍ നേതൃത്വം നല്‍കിയ മുഖ്യമന്ത്രി പിണറായി വിജയനെ അഭിനന്ദിക്കുന്നുവെന്ന് അദ്ദേഹം അഭിപ്രായപ്പെട്ടു.

കെ.ടി ജലീല്‍(ഉന്നത വിദ്യാഭ്യാസ മന്ത്രി), സി.മുഹമ്മദ് ഫൈസി(കാന്തപുരം വിഭാഗം),അബ്ദുള്ളക്കോയ മദനി(കെ.എന്‍.എം പ്രസിഡന്റ്), സി.പി ഉമര്‍ സുല്ലമി(മര്‍ക്കസ് ദഅ്‌വ),ഡോ.ഫസല്‍ ഗഫൂര്‍(എം.ഇ.എസ് പ്രസിഡന്റ്),പന്ന്യന്‍ രവീന്ദ്രന്‍, എളമരം കരീം എം.പി, പ്രൊഫ. അബ്ദുള്‍ വഹാബ്(ഐ.എന്‍.എല്‍ പ്രസിഡന്റ്),കെ.പി രാമനുണ്ണി എന്നിവര്‍ സംബന്ധിച്ചു.