ടെല്‍ അവീവ്: ആക്രമണ ഹെലികോപ്റ്ററുകളില്‍ ഉപയോഗിക്കാനായി ഇസ്‌റാഈല്‍ നിര്‍മിത ദീര്‍ഘദൂര സ്‌പൈക് മിസൈലുകള്‍ യു.എസ് സേന വാങ്ങുന്നതായി റിപ്പോര്‍ട്ട്. നിലവില്‍ ലോകത്തെ 31 രാജ്യങ്ങള്‍ ഉപയോഗിക്കുന്ന സ്‌പൈക് മിസൈലിന് 25 കി.മീ വരെ അകലെയുള്ള ലക്ഷ്യത്തില്‍ ആക്രമണം നടത്താന്‍ കഴിയും.
12 കി.മീ അകലത്തിലുള്ള ശത്രുവിന്റെ ടാങ്കുകള്‍, ചെറിയ ബങ്കറുകള്‍, സൈനികര്‍ എന്നിവയെ ആക്രമിക്കാന്‍ അപ്പാഷെ ഹെലികോപ്റ്ററുകളാണ് യു.എസ് സേന ഉപയോഗിക്കുന്നത്.
ഭൂമിയിലെ വാഹനങ്ങളില്‍ നിന്നും കപ്പലില്‍ നിന്നും വിക്ഷേപിക്കാനാവുന്ന ചെറിയ മിസൈലാണ് ഹൈഫയിലെ റാഫേല്‍ കമ്പനി നിര്‍മിച്ച സ്‌പൈക്. 1.67 മീറ്റര്‍ നീളമുള്ള ഇതിന് 71 കിലോഗ്രാം ഭാരമേയുള്ളൂ. സ്‌പൈകിന്റെ അഞ്ചാം തലമുറ മിസൈലാണ് യു.എസ് വാങ്ങുന്നത്.