പാലക്കാട്: എസ്.എസ്.എല്‍.സി പരീക്ഷയില്‍ എല്ലാ വിഷയത്തിലും സമ്പൂര്‍ണ എപ്ലസ് നേടി ഇരട്ടസഹോദരിമാര്‍. പാലക്കാട് കാണിക്കമാത കോണ്‍വെന്റ് ഗേള്‍സ് ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിനികളായ ജസ്്‌നമോള്‍, സജ്്‌നമോള്‍ എന്നിവരാണ് എല്ലാവിഷയങ്ങളിലും സമ്പൂര്‍ണ എപ്ലസ് നേടിയത്. ചന്ദ്രിക പാലക്കാട് ബ്യൂറോചീഫ്് കിണാശ്ശേരി ടിന്‍സ് ഹൗസിലെ കെ.പി ജലീലിന്റെയും ജില്ലാ സഹകരണബാങ്ക് ക്ലര്‍ക്ക്്് എ സലീനയുടെയും മക്കളാണ്. ഫലം വന്നപ്പോള്‍ സജ്‌നമോള്‍ക്ക്് മലയാളത്തില്‍ ബി പ്ലസ് ആയിരുന്നത് പുനര്‍ മൂല്യനിര്‍ണയത്തിലാണ് ഇന്നലെ എ പ്ലസ് ലഭിച്ചത്. ഇതേ സ്‌കൂളില്‍ നിന്ന്്് വൈഷ്ണരാജ്, വൈഖ്‌നരാജ് എന്നീ ഇരട്ടസഹോദരിമാര്‍ക്കും ഇത്തവണ സമ്പൂര്‍ണ എപ്ലസ് ലഭിച്ചിരുന്നു.