കൊടുങ്ങല്ലൂര്‍: സംസ്ഥാന ഫിഷറീസ് വകുപ്പിന് കീഴിലുള്ള സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വിമണ്‍ പദ്ധതിയുടെ ഭാഗമായി തീരദേശ വനിതകള്‍ക്ക് സൗജന്യ മെഡിക്കല്‍ ക്യാംപ് സംഘടിപ്പിച്ചു. ശ്രീനാരായണപുരം തേവര്‍ പ്ലാസ ഓഡിറ്റോറിയത്തില്‍ നടന്ന ക്യാംപില്‍ വിദഗ്ദ ഡോക്ടര്‍മാര്‍ രോഗം നിര്‍ണയം നടത്തുകയും, ബോധവല്‍ക്കരണ ക്ലാസ് നയിക്കുകയും ചെയ്തു. രാവിലെ നടന്ന ചടങ്ങില്‍ ഇ.ടി ടൈസണ്‍ മാസ്റ്റര്‍ എം.എല്‍.എ ക്യാംപ് ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ അധ്യക്ഷനായി. മതിലകം ബ്ലോക്ക് പഞ്ചായത്ത് പ്രസിഡന്റ് കെ.കെ അബീദലി, ശ്രീനാരായണപുരം ഗ്രാമപഞ്ചായത്ത് പ്രസിഡന്റ് ഇ.കെ മല്ലിക എന്നിവര്‍ മുഖ്യാതിഥികളായിരുന്നു.