പയ്യന്നൂര്‍: രാമന്തളി 17 ശുഹദാ മഖാം ഉറൂസിന് ഇന്ന് പതാക ഉയരും. അസര്‍ നിസ്‌കാരനാന്തരം 17 ശുഹദാ മഖാം സിയാറത്ത് നടക്കും. ജമാഅത്ത് കമ്മിറ്റി പ്രസിഡന്റ് സി.എം.ടി മുഹമ്മദ്കുഞ്ഞി ഹാജി പതാക ഉയര്‍ത്തുന്നതോടെ 26 വരെ നീളുന്ന ഉറൂസിനു തുടക്കമാകും. തുടര്‍ന്നു തെക്കുമ്പാട് മഖാമിലേക്ക് സിയാറത്ത് യാത്ര നടത്തും. രാത്രി ഏഴിന് പാണക്കാട് അബ്ബാസ് അലി ശിഹാബ് തങ്ങള്‍ ഉറൂസ് ഉദ്ഘാടനം ചെയ്യും. സി.എം.ടി മുഹമ്മദ് കുഞ്ഞിഹാജി അധ്യക്ഷനാകും. ഡോ. സുബൈര്‍ ഹുദവി ചേകന്നൂര്‍, അബ്ദുല്‍റഷീദ് സഅദി, ഷമീര്‍ ഹൈതമി സംബന്ധിക്കും. തുര്‍ന്നുള്ള ദിവസങ്ങളില്‍ ആഷിഖ് ഇബ്രാഹിം ചെമ്മാട്, അബ്ദുസലാം ബാഖവി ഒഴുകൂര്‍, അഷ്‌റഫ് അഷ്‌റഫി കാസര്‍കോട് എന്നിവര്‍ പ്രഭാഷണം നടത്തും. 26നു സമാപനസമ്മേളനവും മഖാമിലെ മാസാന്ത സ്വലാത്ത് മജ്‌ലിസ് വാര്‍ഷികവും ഏലംകുളം ബാപ്പു മുസ്‌ലിയാര്‍ ഉദ്ഘാടനം ചെയ്യും.